SAN JUAN 1:31 - Nuevo Testamento en Quichua Cañar 1996

³¹ Ñucallatacpish chai shamucca pai cashcataca mana yacharcanichu. Shina cashpapish israelcuna*f** utca pai shamuna cashcata yachachunmi, yacuhuan bautizacurcani— nirca.

Dios Rimashcata Quillcashcami

³¹ Ñucapish chai shamuc pai cashcataca mana yacharcanichu. Chaimantami israelcuna utca pai cashcata yachachun, yacuhuan bautizarcani» nirca.

SAN JUAN 1:31 Referans Kwoze

SAN LUCAS 1:17

Chashnallatac Quishpichicta ñaupashpami ringa. Ñaupa huillac Elías shina, Diospac Espirituhuan cashpami, imatapish ruhuaipaclla canga. Chashna cashpami, taitacuna huahuacunahuan p'iñanacushcatapish alli shunguta ruhuanga. Mana uyashun nic, sinchi shungu gentecunatapish alli causachun, shinallatac allita ruhuaccuna cachunmi, yuyaita cunga. Chashna ruhuacpimi, Quishpichic shamucpica, alli chasquinalla tucungacuna— nirca.

SAN JUAN 1:33

Chashna ricushpapish, chai shamucca pai cashcataca mana yacharcanichu. Ashtahuanpish yacuhuan bautizachun ñucata cachac Taita Diosmi: ‘Maijanpimi ñuca Espíritu shamushpa tiyaricta ricungui, chaimi ñuca Espirituhuanca bautizanga’ nirca.

SAN JUAN 1:7

Pai Achicyachicmanta huillashpaca, tucui gentecuna crichunmi chashnaca huillarca.

SAN MATEO 3:6

Paicunataca juchacunamanta llaquirishpa Taita Diosman huillacpimi, Juanca bautizac carca.

HECHOS 19:4

Shina nicpimi, Pabloca paicunataca: —Taita Diosman cutiriccunatami Juanca: ‘Ñucapac q'uipa shamucta cringuichic’ nishpa bautizarca. Chai q'uipa shamucca Quishpichic Jesucristomi— nirca.

SAN MATEO 3:13

Juan bautizachun nishpami, Jesusca Galilea llactamanta Jordán yacuman rirca.

SAN JUAN 1:30

Paitami ñucaca: ‘Ñucapac q'uipa shamucca ñucapac ñaupa ña tiyashcamanta ñucata yallimi’ nicurcani.

SAN JUAN 1:32

Juanca mana pacashpami caitapish nirca: —Diospac Espíritu jahuamanta paloma shina shamushpa, paipi tiyarictapish ricurcanimi.