SAN JUAN 1:16 - Nuevo Testamento en Quichua Cañar 1996

¹⁶ Paipac sumac charishcacunamantami tucui ñucanchicca c'atinta c'atinta allicunata chasquicunchic.

Dios Rimashcata Quillcashcami

¹⁶ Pai Taitapac Churi cashcacunamantami ñucanchicca catinta catinta allicunata chasquicunchic.

SAN JUAN 1:16 Referans Kwoze

COLOSENSES 1:19

Taita Diosca paipac Churi pai ima shina cashca shinallatac cachunmi munarca.

ROMANOS 5:2

Ñucanchic Apunchic Jesucristota crishcallamantami, Taita Diosman cuchuyashpa, pai mai c'uyac cashcataca yachanchic. Shina yachashpami sinchiyashpa, Diospac sumaimana cashcata japina yuyailla cashcamanta cushicunchic.

EFESIOS 3:19

Jesucristo mai c'uyac cashcataca pipish mana tucuita yachac chayangachu. Shina cacpipish pai c'uyac cashcata cancuna ricsichunmi munani. Chai c'uyaita ricsishpami, Taita Dios cancunapac shungupi causacushcatatac yachac chayanguichic.

EFESIOS 1:23

Shina cacpica, tandanacushca criccunaca Cristopac cuerpo shinami can. Criccunaca tucui ima illashcatami Cristomanta chasquin. Shinallatac Cristollami maipipish ima illashcacunatapish cun.

ROMANOS 5:17

Shuc runa juchallishcallamanta tucui gentecuna huañuna cacpica, Taita Diosca c'uyashcallamanta Jesucristota cachashpa, paihuan alli tucuchun chasquishcacunacarin Cristollamantami mushuc causaita causanga.

SAN JUAN 3:34

Taita Diosllatacmi pai cachashca cai pachaman shamucmanca, paipac Espiritutaca yallita cushca. Chaimantami paica Taita Diosmanta huillan.

1 PEDRO 1:2

Cancunataca Taita Diosmi ña ñaupamanta pacha pai munashca shina paipac huahuacuna cachun acllashca. Taita Diosca paita c'uyashpa causachun, shinallatac Jesucristopac yahuarhuan chuyayachishca cachunmi, cancunata paipac Espiritumanta paipacllatac ruhuashca. Taita Dios mai c'uyashpa, cancunaman sumac causaita yallita cushca cachun ninimi.

SAN MATEO 13:12

Taita Diosca maijanpish alli yuyaita charicmanca, ashtahuanmi cunga. Chashna cucpica, ashtahuanmi paica charinga. Ashtahuanpish mana charicmantaca, pai ashalla charishcallatapish quichungami.

COLOSENSES 2:3

Diosmanta sumac yachaicunatapish, alli yuyaicunatapish paillatacmi charicun.

ROMANOS 8:9

Cancunapica Diospac Espiritumi causacun. Chaimantami cai pacha jucha munashca shinaca mana causacunguichic, ashtahuanpish Diospac Espíritu yuyaita cushca shina causacunguichic. Maijanpish Cristopac Espirituta mana charicca, mana Cristopacchu.

SAN LUCAS 21:15

Ñucallatacmi cancunamanca imata rimana alli yuyaicunata cusha. Chashna allita rimacpica, cancunata p'iñaccunaca mana imata ni pudishpa, upalla saquiringacunallami.

SAN MATEO 3:14

Juanca Jesusta mana bautizangaraicumi: —¿Imapactac shamungui? Ashtahuanpish canmi ñucata bautizana cangui— nirca.

SAN MATEO 3:11

Cancunataca ñucaca Taita Diosman cutirichun nishpallami, yacuhuan bautizacuni, ashtahuanpish ñucapac q'uipa shamucmi, Diospac Espirituhuan shinallatac ninahuan cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushutallatapish mana apaipacchu cani.

1 PEDRO 1:11

Cristopac Espiritumi Diosmanta ñaupa huillaccunamanca Cristo llaquita apashpapish, q'uipaman sumacyachishca canataca utcashpa ña huillarca. Paicunahuan cac Cristopac Espíritu chashna yuyaita cucpimi, paicunaca ima punzha ima shina tucuna cashcata yachac chayanata munarcacuna.

ROMANOS 5:20

Mandashcacunata Dios cucpica, juchaca ashtahuanmi mirarirca. Chashna miraricpicarin, Taita Diosca ashtahuanmi c'uyaita ricuchirca.