SAN JUAN 1:12 - Nuevo Testamento en Quichua Cañar 1996

¹² Shina mana chasquicpipish, maijanlla paita crishpa chasquiccunataca, Diospac huahuacuna tucuchunmi chasquin.

Dios Rimashcata Quillcashcami

¹² Paita chasquishpa, paita criccunataca, Diospac huahuacuna tucuchunmi chasquin.

SAN JUAN 1:12 Referans Kwoze

GÁLATAS 3:26

Tucui cancunami Jesucristota crishcamantaca, Diospac huahuacuna canguichic.

ROMANOS 8:14

Diospac Espíritu yuyaita cushca shina causaccunaca, tucuimi Diospac huahuacuna can.

1 JUAN 3:1

Ñucanchic Taita Dios mai c'uyashcamantami, ñucanchictaca paipac huahuacuna nishpa c'ayan. Chaica chai shinatacmi canchic. Chaimantami cai pachapaclla causaccunaca Diosta mana ricsishcamanta, ñucanchic paipac cashcatapish mana ricsincuna.

GÁLATAS 4:6

Shinallatac ñucanchic ña paipac huahuacuna cashcata ricuchingapacmi, Taita Diosca paipac Churipac Espirituta ñucanchic shunguman cacharca. Chai Espiritumi: “Ñuca Taitalla” nishpa mañachun ñucanchictaca yuyachicun.

SAN JUAN 3:18

Maijanpish Diospac Churita crictaca llaqui pachamanca mana cachangachu, ashtahuanpish paipac shuclla Churita mana crictami, pai mana crishcamanta llaqui pachamanca cachanga.

COLOSENSES 2:6

Cancunaca Jesucristo Mandac cachun chasquishcamantaca, paillahuantac shuc shinallami causana canguichic.

SAN MATEO 10:40

Maijanpish cancunata chasquicca, ñucatami chasquin. Shinallatac ñucata chasquicca, ñucata cachac Taita Diostami chasquin.

SAN JUAN 20:31

Chashna cacpipish cancuna Jesusta Quishpichic Cristo cashcatapish, Diospac Churi cashcatapish crichun, shinallatac paita crishpa huiñai causaita charichunmi, caicunataca quillcani.

2 PEDRO 1:4

Chashna c'ayashpami, pai cusha nishca mai valishca allicunataca cushca. Cancuna cai pacha millaicunata ruhuashpa, llaquiman rigricushcamanta anchurishpa pai shina tucuchunmi, chashna cushca.

SAN MATEO 12:21

Tucui llactacunapi causaccunami paipi shunguta churashpa shuyangacuna” nishcami.

1 JUAN 3:23

Paica paipac Churi Jesucristota crichun, shinallatac pai mandashca shina caishuc chaishuchuan c'uyanacuchunmi, ñucanchictaca mandan.

HECHOS 3:16

Chai Jesusllatacmi cai runataca alliyachirca. Jesusta crishcamantami, cai cancuna ricsishca runaca tucui cancunapac ñaupapi alliyachishca shayacun.

SAN JUAN 11:52

Mana chai llactapi causaccunallamantachu huañuna carca, ashtahuanpish caita chaita rishpa causacuc Diospac huahuacunaca tandarishpa, shuclla tucushpa causachunmi huañuna carca.

SAN JUAN 1:7

Pai Achicyachicmanta huillashpaca, tucui gentecuna crichunmi chashnaca huillarca.

SAN MATEO 18:5

Maijanpish ñuca shutipi shuc huahuata chasquicca, cai huahuata shina ñucatami chasquin.

SAN JUAN 2:23

Pascua*f** fiesta punzhacunapimi, Jesusca Jerusalén pueblopi cashpa, pi mana ruhuaipaccunata ruhuarca. Chashna ruhuacta ricushpami, achcacuna paita crircacuna.

SAN JUAN 1:11

Paipac gentecunapacmanmi shamurca. Shina shamucpipish, paipac gentecunaca mana chasquircachu.

ROMANOS 8:16

Diospac Espiritullatacmi ñucanchic espirituhuan shuc shinalla tucushpa, ña Taita Diospac huahua cashcataca ricuchin.

ROMANOS 8:19

Taita Dios tucui ima ruhuashcacunami, maijancunalla Diospac huahuacuna cashcata ricuchina punzhata ricuna yuyailla shuyacuncuna.

1 JUAN 3:2

C'uyashca criccuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.

1 JUAN 3:10

Maijanpish cashcata mana ruhuashpa, criccunata mana c'uyacca, mana Diospac huahuachu. Shina cashcamanta maijanlla Diospac huahuacuna, maijanlla diablopac huahuacuna cashcataca ricunallami.