HECHOS 9:33 - Nuevo Testamento en Quichua Cañar 1996

³³ Chai pueblopica, mana cuyuricta ruhuac ung:uihuan pusac huatata ungushca Eneas runatami ricurca.

Dios Rimashcata Quillcashcami

³³ Chai pueblopica, paralisis ungüihuan pusac huatata ungushca Eneastami ricurca.

HECHOS 9:33 Referans Kwoze

SAN LUCAS 13:16

Cai huarmicarin, ñaupa taita Abrahampac huahua huahuapuramantami. Paitaca Satanasmi*f** chunga pusac huatata ung:uihuan huatashpa charicushca. Paitaca samana punzha cacpipish, ¿manachu ung:uimanta cacharichina cani?— nirca.

HECHOS 14:8

Listra pueblopica, huacharishcamanta pacha mana puric runami causarca. Chai runaca chaqui tandarishca cashcamantami, mana puric carca.

HECHOS 4:22

Pi mana alliyachipacta alliyachishca runaca, chuscu chunga huata yallitami charirca.

HECHOS 3:2

Chai huasiman yaicuna Sumac nishca pungupimi, huacharishca punzhamanta pacha mana puric runa chaiman yaicuccunaman imallatapish mañashpa tiyac carca. Chai runataca chai pungumanmi punzhanta apac carcacuna.

SAN JUAN 9:21

Shina cashpapish ima shina cunan pai ricucushcatapish, pai ricuchun pi ñahuita alliyachishcatapish, ñucanchicca mana yachanchicchu. Paillamantac tapuichic. Paica ña juizhu runami. Paimi ima cashcatapish ninga— nircacuna.

SAN JUAN 9:1

Jesús chaimanta rishpaca, huacharishca pachamanta ñahui mana ricuc shuc runatami ricurca.

SAN JUAN 5:5

Chaipica, quimsa chunga pusac huatata ungushca shuc runami tiyarca.

MARCOS 9:21

Chashna tucucpi, Jesusca huambrapac taitataca: —¿Ima pachamantatac huambraca cashna canyari?— nishpa tapurca. Shina tapucpi taitaca: —Huahuamanta pachami cashna causan.

MARCOS 5:25

Chai riccunapurapica, chunga ishcai huatata yahuar cacharirishpa ungushca causac huarmipish ricurcami.

SAN MATEO 4:24

Jesús alliyachiclla cashcaca, tucui Siria llactapimi uyarirca. Shina uyaricpimi, Jesuspacmanca tucui nanaihuan caccunatapish, ung:uihuan llaquilla caccunatapish, supai japishca caccunatapish, juizhu chingachic ung:ui japishcacunatapish, shinallatac mana cuyuricta ruhuac ung:uihuan caccunatapish apamurcacuna. Jesusca tucui chai shamuccunatami alliyachirca.

HECHOS 9:32

Pedroca tucui criccunata ricushpa puricushpami, Lida pueblopi causac criccunapacman chayagrirca.

HECHOS 9:34

Chashna ungushcata ricushpami Pedroca: —Eneas, cantaca Quishpichic Jesucristomi alliyachin. Jatari, cambac camata tandachi— nicpica, Eneasca jatarishpa shayarircallami.