HECHOS 8:38 - Nuevo Testamento en Quichua Cañar 1996

³⁸ Chashna nishpaca, carretata chaillapi shayachishpa ishcaita uricushpami, yacuman yaicurcacuna. Chaipimi Felipeca eunuco runataca bautizarca.

Dios Rimashcata Quillcashcami

³⁸ Chashna nishpami, carretata chaillapi shayachishpa, ishcaita yacuman yaicurca. Chaipimi Felipeca eunuco runata bautizarca.

HECHOS 8:38 Referans Kwoze

SAN JUAN 4:1

“Jesusca tauca c'aticcunata charin, shinallatac Juanta atishpami bautizacun” nishpa fariseocuna*f** puricushcatami, Jesusca yachac chayarca.

SAN MATEO 3:6

Paicunataca juchacunamanta llaquirishpa Taita Diosman huillacpimi, Juanca bautizac carca.

SAN MATEO 3:11

Cancunataca ñucaca Taita Diosman cutirichun nishpallami, yacuhuan bautizacuni, ashtahuanpish ñucapac q'uipa shamucmi, Diospac Espirituhuan shinallatac ninahuan cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushutallatapish mana apaipacchu cani.

HECHOS 8:37

Shina nicpi Felipeca: —Can tucui shunguhuan crishpaca, bautizarinallami cangui— nirca. Chashna nicpi: —Ari, Jesucristoca Diospac Churi cashcata crinimi— nirca.

HECHOS 8:39

Yacumanta llucshicpica, Diospac Espíritu Felipeta apacpimi, chai eunuco runaca ña mana cutin Felipetaca ricurca. Chashna mana ricuricpipish, cushicushpa rircallami.