HECHOS 8:17 - Nuevo Testamento en Quichua Cañar 1996

¹⁷ Chaimantami Pedrohuan, Juanhuanca chai criccunapac uma jahuapi maquita churacpi, paicunaca Diospac Espirituta chasquircacuna.

Dios Rimashcata Quillcashcami

¹⁷ Chaimantami Pedropish, Juanpish chai criccunapac uma jahuapi maquita churacpica, Diospac Espirituta chasquircacuna.

HECHOS 8:17 Referans Kwoze

HECHOS 19:6

Ña paicunapac uma jahuapi Pablo maquita churacpica, Diospac Espirituta chasquishpami, jaicapi mana uyashca rimaicunata rimashpa, Dios yuyaita cushcatapish huillarcacuna.

HECHOS 6:6

Ña chashna acllashpaca, Jesús acllashca huillaccunapacmanmi pushamurcacuna. Paicunaca chai runacunapac uma jahuapi maquita churashpami, Taita Diosman mañarcacuna.

2 TIMOTEO 1:6

Shina cashcamanta cambac uma jahuapi ñuca maquita churacpi, Taita Dios ima ruhuana cashcata cushcataca, nina huañugricucta causachic shina cutin causachichunmi nini.

HECHOS 8:18

Jesús acllashca huillaccuna criccunapac uma jahuapi maquita churashpa, Diospac Espirituta chasquichicta Simón ricushpami, paipish chashnallatac ruhuasha nishpa, randinata munarca.

HECHOS 2:4

Chashna tiyarishpami, tucui chaipi caccunapac shunguman Diospac Espíritu shamushpa, paicunata rimachicpi, ch'ican ch'ican rimaicunata rimai callarircacuna.

HEBREOS 6:2

Bautizarinamantapish, criccunapac uma jahuapi maquita churanamantapish, huañushcacuna causarinamantapish, huiñaita jatun llaquiman cachanamantapish ama cutinllatac yachacushunchic.

ROMANOS 1:11

Cancuna ashtahuan crishpa c'atichun nishpami, Diosmanta imalla alli yuyaicunata cungapac cancunataca ricugrinata munacuni.

HECHOS 9:17

Chashna nicpi, Ananiasca Saulo shuyacuc huasiman rishpa, Saulopac uma jahuapi maquita churashpaca: —Huauqui Saulo. Can caiman shamucucpi, ricuric Apunchic Jesusllatacmi, cambac ñahui cutin ricuchun, shinallatac Diospac Espíritu cambac shungupi junda cachunpish, ñucataca cambacman cacharca— nirca.

1 TIMOTEO 5:22

Maijanpish Taita Diospacta ruhuachun uma jahuapi churashpa Taita Diosman mañangapacpish, puntaca alli yuyarinami cangui. Pacta juchayuccunaman tucushpa, mana allita ruhuanguiman. Tucui imapish mana allimantaca huacaichiringui.

1 TIMOTEO 4:14

Criccunata pushaccuna cambac uma jahuapi maquita churashpa mañacpica, Dios imata ruhuachun cushcata pacta cungaringuiman. Paicunaca Taita Dios yuyaita cucpimi, chashnaca ruhuarcacuna.

HECHOS 13:3

Ña ayunashpa mañashca q'uipaca, Bernabepac, Saulopac uma jahuapi maquita churashpami: “Allilla ringuichic” nishpa cacharcacuna.

MARCOS 5:23

Shina cungurishpami: —Ñuca ushimi ña huañugricun. Shina huañugricucpipish, can rishpa, ñuca ushi ama huañuchun paipac uma jahuapi maquita churacpica, alliyashpa causangallami— nishpa, Jesusman mailla mañarca.