HECHOS 7:59 - Nuevo Testamento en Quichua Cañar 1996

⁵⁹ Paicuna rumicunahuan shitacucpimi, Estebanca: “Apunchic Jesús, ñuca almata pushaiyari” nishpa mañarca.

Dios Rimashcata Quillcashcami

⁵⁹ Chashna rumicunahuan shitacucpimi, Estebanca: «Apunchic Jesús, ñuca almata pushaiyari» nishpa mañarca.

HECHOS 7:59 Referans Kwoze

SAN LUCAS 23:46

Chashna tucushca q'uipami, Jesusca sinchita caparishpa: —Taitalla, cambac maquipimi ñuca espirituta mingani— nirca. Shina nishpaca huañurcallami.

HECHOS 22:16

Cunanca ama imata ashtahuan shuyashpa, jatarishpa bautizari. Cambac juchacunamanta Taita Dios chuyayachichunca, Apunchic Jesusman mañai’ nirca.

1 CORINTIOS 1:2

Corinto pueblopi Diospaclla cac tandanacushca criccunamanmi, cai quillcataca quillcanchic. Cancunaca Jesucristohuan shuc shinalla tucushcamanta Diospaclla tucushpa, maipipish Apunchic Jesucristoman tucui mañaccunahuan pacta, pai Diospaclla cachun acllashpa c'ayashcacunami canguichic. Apunchic Jesucristoca tucui paicunapacpish, ñucanchicpacpish Mandacmi.

HECHOS 9:14

Cunanpish canman mañaccunata huatashpa apangapacmari, curacunata mandac curacunaman quillcata mañashpa shamushca— nirca.

HECHOS 2:21

Chaipica tucui ñucaman mañaccunami quishpiringa’ ninmi.

HECHOS 9:21

Chashna huillacucta uyaccunaca munai mancharinacushpami, paicunapura: —¿Manachu cai runaca Jesuspac shutipi tucui mañaccunata Jerusalenpi llaquichic carca? Cunanpish, curacunata mandac curacunapacman prezu apangapacmi, caimanca shamushca canga— ninacurcacuna.

2 TIMOTEO 2:22

Huambracunapac yuyaita saquishpa, imapish cashcallata ruhuashpa, alli crishpa, tucui shungumanta Taita Diosman mañaccunahuan tandarishpa, c'uyaihuan apanacushpa sumacllata causangui.