HECHOS 6:7 - Nuevo Testamento en Quichua Cañar 1996

⁷ Jerusalenpica Diosmanta alli huillaita ashtahuan huillacpimi, achca gentecuna Jesusta crishpaca, achca criccuna tucurcacuna. Shinallatac Israel*f** curacunapish, achcacunami Jesusta crishpa cazurcacuna.

Dios Rimashcata Quillcashcami

⁷ Ashtahuanmi Diospac shimita Jerusalenpi huillashpa catirca. Jesusta criccunapish ashtahuanmi mirarishpa catirca. Shinallatac Israel curacunapish, achcacunami Jesusta crircacuna.

HECHOS 6:7 Referans Kwoze

HECHOS 19:20

Apunchic Jesusmanta maipipish huillacpica, tucui chai imalla tucushcacunata ricushpami, ashtahuan crishpa mirarircacuna.

HECHOS 12:24

Ashtahuanpish Diosmanta alli huillaita tucui llactacunapi huillacpica, achcacunami crishpa c'atircacuna.

COLOSENSES 1:6

Cai alli huillaita huillashcami alli grano p'ucuc shina, tucui llactacunapi mirarishpa c'aticun. Chai shinallatacmi cancunapurapipish Diospac c'uyaimanta parlanacucta uyashpa, Dios mai c'uyac cashcatatac yachashca punzhamanta pacha mirarishpa c'aticun.

HEBREOS 5:9

Chai shina llaquita apashpa, Taita Dios ima nishcata tucui pactachishpami, maijanpish paita cazuccunapacca huiñaita Quishpichic tucurca.

ROMANOS 16:26

Huiñaita causacuc Taita Dios mandashca shinami, cunanca chai pacashcataca ñaupa huillaccuna quillcashca shina ricuchin. Cai pacashcataca tucui cai pachapi causaccuna crishpa cazuchunmi ricuchishca.

ROMANOS 1:5

Jesucristomantami paimanta huillashpa alli canataca chasquircani. Tucui llactacunapi paita crishpa cazuccuna tiyachunmi, paimanta huillachun ñucataca acllarca.

HECHOS 14:22

Chai pueblocunaman chayashpa, chaipi causac criccunataca: “Jesusta crishcata mana saquishpa, alli c'atichic” nircacunami. Shinallatac: “Tucui laya llaquicunata apashpami, Taita Dios mandacucmanca yaicuna canchic” nircacuna.

HEBREOS 11:8

Crishcamantami Abrahamca Dios c'ayacpica, paita cazushpa Taita Dios cushami nishca llactaman ringapac, maiman ricushcata mana yachashpapish llucshircalla.

2 TIMOTEO 2:9

Chaita huillacushcallamantami huañuchicta shina cadenahuan huatashca llaquita apacuni. Shina cacpipish Diosmanta huillanaca mana huatashcachu.

2 TESALONICENSES 1:8

Ñucanchic Apunchic Jesusmanta alli huillaita maijanpish mana cazuccunata, shinallatac Diosta mana ricsinata munaccunata llaquichingapacca, nina culun nicuc chaupitami shamunga.

HECHOS 21:20

Chashna parlacta uyashpaca, tucuimi Taita Diostaca “allimari cangui” nircacuna. Shina nishca q'uipami, Pablotaca cashna nircacuna: —Huauqui, riquiyari. Huaranga huaranga israelcunami*f** Jesustaca crishca. Tucui chaicunami: ‘Moisés mandashcacunataca cazunami canchic’ nicuncuna.

HECHOS 13:8

Paicuna ña huillangapac shamucpica, chai brujoca ama crichunmi chai mandactaca jarcarca. Chai brujollatacmi griego*f** rimaipica Elimas shutipish carca.

SAN JUAN 12:42

Chashna pi mana crinchu nicpipish, mandac israelcunacamanmi taucacuna crirca. Ashtahuanpish tandanacuna huasimanta fariseocuna*f** llucchishpa cachanata manchashpami, paicunaca mana piman huillarcacuna.

SAN LUCAS 2:34

Simeonca paicunaman Taita Dios bendiciachun mañashca q'uipami, Jesuspac mama Mariataca cashna nirca: —Riqui, cai huahuamantami achca israelcuna chingaringacuna, chashnallatac achcacunami quishpiringacuna. Paica Dios munashcata ruhuashcamanta achcacuna p'iñana cashcata ricuchicmi canga.

SAN MATEO 19:30

Chashna cacpipish cunan punzhapi ‘allimi canchic’ niccunaca, achcacunami yangalla cangacuna. Shinallatac achcacunami cunan punzhapi yangalla nishcacunaca, alli nishca cangacuna.

HECHOS 2:47

Shinallatac Taita Diosta “allimari cangui” niccunami carca. Tucuipac alli nishcacunapish carcacunami. Maijanpish quishpirisha niccunataca, punzhantami Taita Diosca quishpichishpa, criccunataca mirachirca.

HECHOS 6:1

Chai punzhacunapica, achca gentecunami Jesusta crishpa mirarircacuna. Paicunapurapica, maijancunaca griego*f** rimaita, maijancunaca hebreo*f** rimaita rimaccunami carca. Chashna cashpami, griego rimaita rimaccunaca: “Ñucanchicpura viuda huarmicunamanca, punzhanta imalla illashcataca mana alli chaupicunguichicchu” nishpami, hebreo rimaccunataca juchanchi callarircacuna.

GÁLATAS 1:23

ashtahuanpish ñucataca: “Ñaupamanca ñucanchicta llaquichishpa tucuchisha nicca, cunanca Jesucristota crinamantami paipish huillacun” nicllatami uyarcacuna.

GÁLATAS 6:10

Chaimanta imata ruhuanalla cacpica, tucuiman allita ruhuashpa c'atishunlla. Tucuimanta yallica criccunaman allita ruhuashun.

SAN JUDAS 1:3

C'uyashca criccuna, ñucapish, cancunapish quishpirishca cashcamantami, cancunamanca yallita quillcanata munarcani. Shina cacpipish cunanca Diospaclla caccunaman paicuna crichun yachachishcata, macanacuc shina sinchita c'atina cacpimi, cai quillcata cachani.

SAN JUDAS 1:20

Ashtahuanpish c'uyashca criccuna, Diospaclla cachun cushca crinata allita c'atiraichic. Diosman mañashpapish, Diospac Espíritu yuyaita cushca shina mañaichic.