HECHOS 6:13 - Nuevo Testamento en Quichua Cañar 1996

¹³ Shinallatac llullachun nishca runacunatapish pushamucpica, paicunaca: —Cai runaca Diospaclla cac huasitapish, Moisés mandashcacunatapish c'amishpa:

Dios Rimashcata Quillcashcami

¹³ Chaipimi llullac huillaccunaca: —Cai runaca Diospac huasitapish, Moisés mandashcacunatapish rimactami uyarcanchic.

HECHOS 6:13 Referans Kwoze

HECHOS 6:11

Chaimantami llullachun, shuc runacunaman cullquita cushpaca: “ ‘Ñucanchicca cai runataca Moisestapish, Diostapish c'amishpa rimactami uyarcanchic’ ninguichic” nircacunami.

HECHOS 21:28

Chashna japishpaca: “¡Israel*f** runacuna, tandanacuichic! Cai runamari tucui llactacunata purishpa, ñucanchic quiquin llactatapish, Moisés mandashcacunatapish, shinallatac Diosman mañana cai huasitapish mana alli nishpami yachachishca. Cunancarin, manapish israelcunatami*f** Diosman mañana huasiman yaicuchishpa, Diospaclla cac huasitaca mapayachicun” nishpami caparircacuna.

HECHOS 25:8

Chashna juchanchicucpimi, Pabloca pai ima shina cashcata israelcunaman huillashpaca: —Moisés mandashcacunapi ima nishcatapish ‘mana allimi’ nishpaca, mana nishcanichu. Diosman mañana huasita ‘yangallami’ nishpapish, mana nishcanichu. Roma llactata jatun mandac Cesartapish*f** ima mana allitaca mana nishcanichu— nirca.

HECHOS 7:58

Chashna japishpaca, pueblomanta llucchishpami, Estebanta huañuchingapac rumicunahuan shitai callarircacuna. Shina shitacucpimi, Estebanta juchanchishpa huillaccunaca paicunapac jahualla churanacunata surcushpa, Saulo mosoman mingarcacuna.

SAN MATEO 24:15

Diosmanta ñaupa huillac Daniel quillcashpa huillashca shina, Diosman mañana huasipi millanayac mapayachicuctami ricunguichic. (Maijanpish cai quillcashcata ricucca alli entendinguichic).

SAN MATEO 26:59

Curacunata mandac curacunapish, tucui mandaccunapura tandanacushcacunapish, Jesusta huañuchingapacmi manapish cashcacunata nichun, llullashpa huillaccunata c'ayarcacuna.

HEBREOS 7:12

Shuctac cura shamucpica, mandashcacunapish shuctacyarinmi.