HECHOS 5:4 - Nuevo Testamento en Quichua Cañar 1996

⁴ Allpaca, ¿manachu cambac carca? C'atucpipish chai cullquica, ¿manachu cambac tucurca? Shinashpaca, ¿ima nishpatac cambac shungupi chashna millaita ruhuanataca yuyarircangui? Mana runacunallamanchu llullashcangui, Taita Diosmanmi llullashcangui— nirca.

Dios Rimashcata Quillcashcami

⁴ ¿Manachu allpaca cambac carca? ¿Manachu catushca cullquipish cambac tucurca? ¿Ima nishpatac cambac shungupi chashna millaita ruhuanata yuyarircangui? Mana runacunallamanchu llullangui, Diosmanmi llullangui— nirca.

HECHOS 5:4 Referans Kwoze

HECHOS 5:3

Chaimantami Pedroca Ananiasta: —Ananías, ¿ima nishpatac Satanasta*f** cambac shungupi yaicuchun saquircangui? Chaimantami canca Diospac Espirituman llullashpa, allpa c'atushca cullquitaca mana tucui apamushcangui.

1 TESALONICENSES 4:8

Chashna cashcamanta pipish cai yachachishcacunata mana chasquicca, mana runallatachu mana chasquin, ashtahuanpish cancunaman paipac Espirituta cuc Taita Diostami mana chasquin.

HECHOS 5:9

Shina nicpi Pedroca: —¿Ima nishpatac ‘Mandac Diosca mana llaquichingachu’ yuyashpa, paipac Espiritumanca llullashun nircanguichic? Riqui, ñami canzha punguta cambac cusata enterraccuna yaicumucun. Cunan cantapish chashnallatacmi apangacuna— nirca.

SAN LUCAS 10:16

Jesusca paipac yachacuccunataca: “Maijanpish cancuna ima nishcata uyacca, ñuca nishcatami uyan. Shinallatac cancunata p'iñacca, ñucatami p'iñan. Ñucata p'iñacca, ñucata cachac Taitatapish p'iñanmi” nirca.

SANTIAGO 1:15

Chai shina mana alli munaicuna tiyashcamantami, juchaca huacharic shina ricurin. Chai jucha ricurishpa miramushpaca, huañuimanmi apan.

FILEMÓN 1:14

Chashna cashpapish can ima nishcata manarac yachashpaca, ñuca quiquin munaimantaca imata mana ruhuasha ninichu. Can ima allita ñucaman ruhuasha nishpaca, ama ñuca nishcallamanta ruhuangui, ashtahuanpish can munashca shina ruhuanguilla.

1 CORINTIOS 8:8

Ima micunata micushcallamanta Dios alli nishcaca mana cashunchu. Micushcallamanta ashtahuan alli nishcapish, shinallatac mana micushcamanta mana alli nishcapish mana cashunchu.