HECHOS 5:33 - Nuevo Testamento en Quichua Cañar 1996

³³ Shina nicta uyashpaca, chai mandaccunaca munai p'iñarishpami, huañuchichishun nircacuna.

Dios Rimashcata Quillcashcami

³³ Shina nicta uyashpami, chai mandaccunaca piñarishpa, huañuchinata munarcacuna.

HECHOS 5:33 Referans Kwoze

HECHOS 7:54

Esteban chashna nicta uyashpaca, tucui chaipi caccunami quirucuna mucurishpa, munai p'iñarircacuna.

HECHOS 2:37

Chaipi caccunaca Pedro chashna huillacta uyashpami, shungupi mai llaquirishpa Pedrotapish, Jesús acllashca caishuc huillaccunatapish: —Huauquicuna, ¿imatatac ruhuana canchic?— nishpa tapurcacuna.

SAN JUAN 16:2

Cancunataca tandanacuna huasicunamanta llucchishpa cachangacunami. Shinallatac cancunata huañuchishpaca, Taita Diosmanmi alli ruhuanchic nina punzhaca chayamungami.

SAN MATEO 24:9

Chai punzhacunapimi cancunata llaquichishpa huañuchichun japichingacuna. Ñucata c'aticushcamantaca, tucuimi cancunataca p'iñangacuna.

SAN MATEO 10:25

Yachacuc ña yachachic shina tucushpaca, cushillami canman. Shinallatac shuc servicpish amo shina tucushpaca, cushillami canman. Huasipi taita shina pushac ñucatapish, ‘supaicunata mandac Beelzebumi*f** cangui’ nicushpaca, chai huasipi causac huahua shina cac cancunatacarin, ¡imatachari ningacuna!

SAN MATEO 10:21

Huauquica quiquin huauquillatatac, taitaca quiquin huahuacunallatatac huañuchichunmi japichinga. Shinallatac huahuacunapish taita mamata p'iñashpami, huañuchichun japichingacuna.

HECHOS 22:22

Pablo cai tucuita huillangacamanca, israelcunaca*f** allimi uyarcacuna. Ashtahuanpish “mana israelcunapacman*f** cachani” nishcata uyashpaca: —¡Huañuchichiclla! ¡Cai runa causachunca, mana saquinachu canchic!— nishpami caparircacuna.

HECHOS 9:23

Ña Saulo unaita huillashpa causacucpimi, israelcuna*f** tandanacushpa, huañuchinata yuyarircacuna.

SAN JUAN 15:20

‘Maijan servicpish amotaca mana yallichu’ nishpa, ñacaman huillashcataca yuyarichic. Ñucatapish mana ricunachishpa llaquichircacunami. Shinallatacmi cancunatapish llaquichingacuna. Ñuca ima nishcata cazushca cashpaca, cancuna nishcatapish cazungacunami.

SAN LUCAS 20:19

“Jesusca yuyaita japina parlohuanca ñucanchictami rimacun” nishpami, curacunata mandac curacunapish, mandashcacunata yachachiccunapish p'iñarishpa: “Cunancarin, huañuchichingapac japichishun” nircacuna. Shina ninacushpapish, gentecunata manchashpami, mana imata ruhuarcacuna.

SAN LUCAS 6:11

Chashna alli tucucpipish, juchanchishun nicuccunaca munai p'iñarishpami: “Jesustaca, ¿imatatac ruhuashun?” nishpa yuyarinacurcacuna.

SAN MATEO 1:19

Paipac cusa cana Joseca cashcata ruhuac cashcamantami, mana pimanpish yachachishpa, Mariataca pacalla shitasha nicurca.