HECHOS 5:26 - Nuevo Testamento en Quichua Cañar 1996

²⁶ Chashna huillacpimi, soldadocunata mandacca soldadocunahuan cutin Jesús acllashca huillaccunata japingapac rircacuna. Chashna rishpaca, chaipi cac gentecuna rumihuan shitanata manchashcamantami, japishpapish mana imata ruhuashpa, sumacta apamurcacuna.

Dios Rimashcata Quillcashcami

²⁶ Chaimantami soldadocunata mandacca soldadocunahuan cutin apostolcunata japingapac rircacuna. Chashna rishpaca, chaipi cac gentecuna rumihuan shitanata manchashpami, mana imata ruhuashpa, sumacta apamurcacuna.

HECHOS 5:26 Referans Kwoze

HECHOS 5:13

Shuccunaca paicunahuan tandanacunataca mancharcacunami. Chashna cacpipish chai pueblopi causaccunaca, tucuimi paicunataca allimi nircacuna.

HECHOS 4:21

Chashna nicpica, ashtahuan manchachishun nishpami mandaccunaca: —¡Paimantaca pacta piman huillanguichicman!— nircacuna. Pedropish Juanpish chai runata alliyachishcamantami, tucui gentecuna Taita Diosta “allimari cangui” nircacuna. Chaimantami mandaccunaca mana macashpa cacharircacunalla.

HECHOS 5:24

Chashna huillashcata uyashpaca, curacunata jatun mandac curapish, Diosman mañana huasita cuidaccunata mandacpish, curacunata mandac curacunapish caishuc chaishucmi: “Chai runacunaca, ¿imashi tucushca canga?” nishpa tapunacurcacuna.

SAN LUCAS 22:2

Israel*f** curacunata mandac curacunapish, mandashcacunata yachachiccunapish gentecunata manchashcamantami, Jesustaca ima shina pacalla japishpa huañuchinata parlanacurcacuna.

SAN LUCAS 20:19

“Jesusca yuyaita japina parlohuanca ñucanchictami rimacun” nishpami, curacunata mandac curacunapish, mandashcacunata yachachiccunapish p'iñarishpa: “Cunancarin, huañuchichingapac japichishun” nircacuna. Shina ninacushpapish, gentecunata manchashpami, mana imata ruhuarcacuna.

SAN LUCAS 20:6

Runacunallami cachashca nicpipish, ñucanchictaca rumicunahuan shitashpami huañuchingacuna. Chaica, tucui gentecunami Juantaca: ‘Diosmanta huillacmi’ nincuna— ninacurcacuna.

SAN MATEO 26:5

Chashna yuyarishpapish paicunaca: —Cai fiesta punzhacunapica mana japishpa, casilla saquishunlla, pacta tucui gentecuna jatarishpa ñucanchictarac imata ruhuanman— ninacurcacuna.

SAN MATEO 21:26

‘Runacunallami cacharca’ nicpipish, gentecuna p'iñaringami. Juantaca tucui gentecunami ‘Diosmanta huillacmi carca’ nincuna— ninacurcacuna.

SAN MATEO 14:5

Juantaca Diosmanta huillacmi nishpami, gentecunaca niccuna carca. Chaimantami Herodesca Juanta huañuchisha nicushpapish, gentecunata manchashpa, mana huañuchirca.

SAN MATEO 26:58

Pedroca caru carullatami chai huasi pungu pambacaman c'atishpa rirca. Chashna rishpaca, Diosman mañana huasita cuidaccunahuanmi Jesusta ima ruhuacta ricungapac canzhallapi saquirirca.

SAN LUCAS 22:4

Paimi curacunata mandac curacunapacmanpish, Diosman mañana huasita cuidaccunapacmanpish Jesusta ima shina japichinata parlangapac rirca.

HECHOS 5:22

Chai cachashca soldadocuna carcelman chayashpa, paicunata mana tarishpami, huillangapac cutimushpaca:

HECHOS 5:25

Paicuna chashna tapunacucucpica, ñapish cungailla shuc runa chayamushpaca: —Chai cancuna carcelpi huichcachishca runacunaca, Diosman mañana huasipimari tucui gentecunaman yachachicuncuna— nishpa huillarca.