HECHOS 5:16 - Nuevo Testamento en Quichua Cañar 1996

¹⁶ Shinallatac chai cuchulla pueblocunamantapish ungushcacunatapish, supai llaquichishcacunatapish apashpa, achcacunami Jerusalenman shamurcacuna. Chaicunaca tucui mashnami alliyarcacuna.

Dios Rimashcata Quillcashcami

¹⁶ Cuchulla pueblocunamantami ungushcacunatapish, millai supai llaquichishcacunatapish Jerusalenman apamurcacuna. Chai ungushcacunaca tucuimi alliyarca.

HECHOS 5:16 Referans Kwoze

SANTIAGO 5:16

Chaimanta alliyashca cangapacca, ima mana allita ruhuashcacunatapish caishuc chaishuc ama pacashpa huillanacuichic. Taita Dios alliyachichunpish, caishuc chaishucmanta Diosman mañaichic. Taita Diosman cashcata ruhuac mañacpica, imatapish pactachingallami.

HECHOS 4:30

Shinallatac can quishpichichun cachashca Jesushuanca, ungushcacunata alliyachiccuna cachun, pi mana ruhuaipaccunata ruhuaccuna cachunpish, ñucanchictaca ruhuaiyari. Canca imatapish ruhuacllami cangui” nishpami mañarcacuna.

SAN JUAN 14:12

Maijanpish ñucata cricca, ñuca imallata ruhuashcacunataca ruhuangami, shinallatac Taitapacman ñuca rishcamantaca yallitami ruhuanga. Chaica chashnatacmi canga.

SAN LUCAS 9:11

Paicuna chaiman rishcata tucui gentecuna yachashpami, Jesusta c'atishpa rircacuna. Shina c'atishpa chayacpimi, cushilla chasquishpa Jesusca Taita Dios mandacucmanta huillarca, shinallatac ungushcacunatapish alliyachircami.

SAN LUCAS 5:17

Jesús shuc punzha yachachicucpimi, fariseocunapish,*f** mandashcacunata yachachiccunapish chaipi tiyacurcacuna. Chaicunaca Galilea llactamantapish, Judea llactamantapish, Jerusalén pueblomantapishmi shamurcacuna. Taita Dios paihuan cashcamantami, Jesusca ungushcacunataca alliyachirca.

SAN MATEO 8:16

Ña tutayamucpica, supai japishcacunatami Jesuspacman apamurcacuna. Chashna apamucpi, Jesusca pai rimashcallahuan supaicunata llucchishpa cachashpami, tucui ungushcacunatapish alliyachirca.

SAN MATEO 4:24

Jesús alliyachiclla cashcaca, tucui Siria llactapimi uyarirca. Shina uyaricpimi, Jesuspacmanca tucui nanaihuan caccunatapish, ung:uihuan llaquilla caccunatapish, supai japishca caccunatapish, juizhu chingachic ung:ui japishcacunatapish, shinallatac mana cuyuricta ruhuac ung:uihuan caccunatapish apamurcacuna. Jesusca tucui chai shamuccunatami alliyachirca.

1 CORINTIOS 12:9

Cutin maijancunaca chai Espiritullamantatacmi alli cric tucuncuna. Cutin maijancunaca ungushcacunata jambiccunami tucuncuna.

SAN MATEO 2:16

Yachac runacuna paipacman mana cutimushpa umashcamantami, Herodesca munai p'iñarishpa, tucui muyundic Belén llactapi causac, manarac ishcai huatata charic c'ari huahuacunata huañuchichun mandarca. Chaitaca, yachac runacuna lucerota ricushca punzhamanta pachami yuyarishpa, chashnaca ruhuachirca.

HECHOS 5:15

Chashna mana amiripaccunata ruhuacta ricushpami, Pedro llandushpallapish alliyachichun, gentecunaca ungushcacunata huandumushcacunallapitac ñanman apamushpa churarcacuna.

HECHOS 5:17

Chashna ruhuacta ricushpami, Israel*f** curacunata jatun mandac curapish, paihuan cac saduceocunapurapish:*f** “Ñucanchicpish mana shina ruhuanchicca” nishpa, munai p'iñarircacuna.

SAN LUCAS 6:18

Chai shamuccunapuramanta maijancunaca supaicuna japishca cashcamantami llaquihuan carcacuna. Paicunataca Jesusca alliyachircami.