HECHOS 4:17 - Nuevo Testamento en Quichua Cañar 1996

¹⁷ Chashna cacpipish, paicuna chashna alliyachishca maipipish ama yacharichunca, paicunataca: ‘Cunanmanta pacha pacta piman ashtahuan chai Jesusmanta huillanguichicman’ nishpa manchachishun— ninacurcacuna.

Dios Rimashcata Quillcashcami

¹⁷ Chashna cacpipish, caicuna ama shuctac llactacunapi yacharichunca: “Cunanmanta pacha pacta piman chai Jesusmanta huillanguichicman” nishpa manchachishun— ninacurca.

HECHOS 4:17 Referans Kwoze

HECHOS 5:28

—Ñucanchicca cancunataca: ‘Pacta chai runamantaca cutin yachachinguichicman’ nircanchicca. Ashtahuanpish chashna nishca jahuachu, tucui Jerusalenpi yachachircanguichic. ‘Jesustaca cancunami huañuchircanguichic’ nishpapish, ñucanchictaca juchanchicunguichicmi— nirca.

1 TESALONICENSES 1:8

Cancuna crishcataca mana Macedonia llactallapi, mana Acaya llactallapichu yachac chayashcacuna, ashtahuanpish tucui llactacunapimi cancunamanta uyashpaca, Diosmanta alli huillaitaca yachac chayashcacuna. Chaimantami cancuna alli crishcataca, ña mana huillana canchic.

HECHOS 5:24

Chashna huillashcata uyashpaca, curacunata jatun mandac curapish, Diosman mañana huasita cuidaccunata mandacpish, curacunata mandac curacunapish caishuc chaishucmi: “Chai runacunaca, ¿imashi tucushca canga?” nishpa tapunacurcacuna.

HECHOS 4:21

Chashna nicpica, ashtahuan manchachishun nishpami mandaccunaca: —¡Paimantaca pacta piman huillanguichicman!— nircacuna. Pedropish Juanpish chai runata alliyachishcamantami, tucui gentecuna Taita Diosta “allimari cangui” nircacuna. Chaimantami mandaccunaca mana macashpa cacharircacunalla.

SAN MATEO 27:64

Chaimanta pai enterrashca jutcuta quimsa punzhacaman cuidachun cachai, pacta yachacuccuna tuta shamushpa, paipac cuerpota shuhuanmancuna. Chashna shuhuashpaca: ‘Jesusca ñami causarishca’ nishpami, gentecunaman crichingacuna. Chashna ruhuashpacarin, punta llullashcata atishpami ashtahuan llullangacuna— nircacuna.

SAN MATEO 9:30

Chashnami paicunapac ñahuica alli tucurca. Ña alli tucucpica Jesusca: —Pacta cancuna alli tucushcata piman huillanguichicman— nishpami cacharca.

SAN JUAN 15:21

Ñucata Cachacta mana ricsishcamantami, ñucata c'aticushcamanta cancunataca llaquichingacuna.

EFESIOS 6:9

Shinallatac amocunapish, cancunata serviccunahuanca alli caichic. Ama macasha nishpa manchachichicchu. Amocunapish, amopacta ruhuaccunapish jahua pacha Taita Dios mandashca causacushcataca yachanami canguichic. Paica pitapish “caica allimi, chaica mana allichu” mana ninchu.

1 PEDRO 2:23

Paita c'amicpipish, mana chashnallatac c'amishpa cutichircachu. Llaquichicpipish, “cantapish llaquichishami” nishpaca mana nircachu. Chaipac randica cashcata ricushpa, taripac Diosllatac llaquichichunmi saquirca.