Biblia Todo Logo
Bib sou entènèt

- Piblisite -




HECHOS 3:26 - Nuevo Testamento en Quichua Cañar 1996

26 Taita Dios paipac Churita causachishpaca, cancunaman allicunata cuchunmi, cancunapacmanca punta cacharca. Cancuna millai causaita saquishpa alli causachunmi, paitaca chashna cacharca” nirca.

Gade chapit la Kopi

Dios Rimashcata Quillcashcami

26 Dios, paipac Churita causachishpaca, cancunaman allicunata cuchunmi, cancunapacman punta cacharca. Cancuna millai causaita saquishpa, alli causachunmi, cacharca» nirca.

Gade chapit la Kopi




HECHOS 3:26
41 Referans Kwoze  

Paica shuc c'ari huahuatami charinga. Chai huahuataca JESÚS shutitami shutichingui. Paimi tucui pai acllashcacunataca juchacunamanta quishpichinga. Chaimantami chai shutica canga” nirca.


Moisespish ñucanchic ñaupa taitacunamanca: ‘Cancunata Mandac Diosca ñucata cachashca shinallatacmi, cancunapuramantapish shuc huillacta cachanga. Pai shamucpica, tucui pai ima nishcata cazunami canguichic.


¡Ñucanchicta Quishpichic shuclla Diostaca “allimari cangui” nishunchic! Paimi imatapish ruhuaclla cashcahuanca, cancuna ima millaipi ama urmashpa, paipac sumaimana ñaupapi cushilla ricurichun huacaichicun.


Alli huillaica puntaca israelcunata,*f** mana israelcunatapish*f** maijanpish crictaca quishpichingapac, imatapish ruhuaclla Taita Diosmanta shamushcami. Chaimantami alli huillaita huillanataca mana pingani.


Taita Diosca ñaupa huillaccunamanpish, ñucanchic ñaupa taitacunamanpish, shinallatac cunan punzha ñucanchic israelcunamanpish ‘ñuca cusha nishcataca pactachishatacmi’ nishca carca. Chashnallatacmi Abrahammanca Taita Diosca: ‘Cambac huahua huahuacunamantami, tucui cai pachapi causaccunamanca allicunata cusha’ nishcami. Cancunapish chaita chasquiccunami canguichic.


¡Ñucanchic Apunchic Jesucristopac Taita Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana c'uyaimanta Jesucristota causachishpa, ñucanchictaca cutin huacharishca shinata ruhuarca.


Cristohuan shuc shinalla tucushcamantami, ñucanchicmanca paipac Espirituta cushpa, jahua pachapi tiyac tucui laya allicunata Taita Diosca curca. ¡Chaimantami ñucanchic Apunchic Jesucristopac Taita Diostaca alli nicunalla canchic!


Ñuca cancunapacman ricpi, Cristo yallita imatapish cuna cashcataca allitami yachani.


Chashna cazushpami, Damasco pueblopi huillai callarircani. Shinallatac Jerusalén pueblopipish, tucui Judea llactacunapipish, mana israelcunamanpish:*f** ‘Mana alli causacushcata saquishpa, Taita Diosman cutirishpa, allita causaichic’ nishpa huillarcani.


Chashna ruhuashpami, cancunaca huiñai causaita cuc Jesusta huañuchircanguichic. Ashtahuanpish paitaca Taita Diosmi huañushcacunapuramanta causachirca. Ñucanchicca chai ricushcata huillaccunami canchic.


Chashna cancuna Jesusta huañuchicpipish, Taita Diosca llaquiman apac huañuimantaca cacharichishpami causachirca. Shina ruhuacpimi, huañuipish Jesustaca mana ati pudirca.


Shina cacpipish, Diospac Espíritu cancunapacman shamucpimi, tucui imatapish ruhuai pudinguichic. Chaimantami Jerusalén pueblopipish, tucui Judea llactapipish, Samaria llactapipish, shinallatac mai tiyashca llactacunapipish ñucamanta huillagringuichic— nirca.


Shuccuna mana allita ruhuacpipish, ama cancunapish chai shinallatac ruhuaichicchu. Shinallatac c'amishpa rimacpipish, ama cancunapish chai shinallatac rimaichicchu. Chaipac randica Taita Dios allicunata cuchun nishpa munaichic. Taita Diosca allicunata chasquichunmi, cancunataca c'ayarca.


Ñucanchic taita Abrahammanta mirarishca huauquicunalla, shinallatac Taita Diosta manchac caishuccunapish, cai quishpirinamanta huillashcaca cancunamanmi.


Shinallatac ñaupaman cancunaman cachasha nishca Quishpichic Jesustapish paica cachangami.


Chai q'uipaca Jerusalén pueblomanta callarishpa, tucui llactacunapi causaccunamanmi: ‘Juchayuc cashcamanta llaquirishpa, Taita Diosman cutirichic. Shina cutiricpimi, Taita Diosca cancunapac juchacunata perdonanga’ nishpa huillanguichic.


Chashna nicpi Jesusca: —Taita Diosca ñucataca, chingarishca ovejacuna shina israelcunapacmanllami*f** cacharca— nirca.


Samaria llactapi causac cancunaca Taita Diosman mañangapac tandanacushpapish, piman mañacushcata mana yachanguichicchu. Ñucanchicca piman mañacushcataca yachanchicmi. Taita Diosca israelcunapuramantami Quishpichicta cachasha nishca.


Taita Diosca pai cachashca Jesusllatatacmi causachirca. Ñucanchicca chai ricushcata huillaccunami canchic.


ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús sumac alli nishca cachun chashna alliyachirca. Cancunaca chai Jesustami mandaccunapacman aparcanguichic. Pilato paita cacharisha nicucpipish, cancunaca mana cacharichun saquircanguichicchu.


Ñaupa taitacunaman cusha nishcata pactachingapac, shinallatac Dios imatapish pactachic cashcata ricuchunmi, israelcunata*f** servingapac Cristoca shamurca.


Swiv nou:

Piblisite


Piblisite