HECHOS 28:22 - Nuevo Testamento en Quichua Cañar 1996

²² Ñucanchicca shuc mushuc yachanata uyashpa c'aticcunata maipipish p'iñashpa rimacllatami uyanchic. Chaimantami canpish chai mushuc yachanata yachachic cashcamanta, ima shina cashcata tapushun ninchic— nircacuna.

Dios Rimashcata Quillcashcami

²² Ñucanchicca can imata yuyacushcatallami yachashun ninchic. Chaica, can caticushca yachanata maipipish piñashpa rimacllatami uyanchic.

HECHOS 28:22 Referans Kwoze

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunata cunan “millaita ruhuaccuna” nishpa juchanchishpapish, cancuna allita ruhuacushcata ricushpaca, Dios taripana punzhapica Taita Diosta “allimari cangui” ningacuna.

1 PEDRO 3:16

Ashtahuanpish mana jatun tucushpa, c'uyac shunguhuan chashnaca ruhuaichic. Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa c'atichiclla.

HECHOS 24:14

Caillatami canman huillagrini: ‘Mana allita c'aticcunapurami’ nicucpipish, ñucaca Jesusta c'atishpa, ñaupa taitacuna shinallatac Taita Diosman mañacmi cani. Moisés mandashcacunapi imalla quillcachishcatapish, shinallatac ñaupa huillaccunaman Dios quillcachishcatapish, tucuitami crini.

SAN LUCAS 2:34

Simeonca paicunaman Taita Dios bendiciachun mañashca q'uipami, Jesuspac mama Mariataca cashna nirca: —Riqui, cai huahuamantami achca israelcuna chingaringacuna, chashnallatac achcacunami quishpiringacuna. Paica Dios munashcata ruhuashcamanta achcacuna p'iñana cashcata ricuchicmi canga.

1 CORINTIOS 11:19

Cancunapurapi alli cric cashca ricurichunca, ch'icanyarinacui tiyanami alli can.

HECHOS 26:5

Uchillamanta pacha fariseopurami*f** cani. Shina cashpami, ñucanchic israelcuna crishcataca, tucuita alli pactachic cani. Chaitaca paicunallatac allimi yachancuna. Chaimanta huillashun nishpapish, huillachunlla.

HECHOS 15:5

Chashna parlacpipish, fariseocunapuramanta*f** maijan criccuna shayarishpaca: —Chai mana Israel*f** criccunatapish circuncisionta ruhuashpa, Moisés mandashcacunataca tucui pactachichun yachachinami canchic— nircacuna.

HECHOS 5:17

Chashna ruhuacta ricushpami, Israel*f** curacunata jatun mandac curapish, paihuan cac saduceocunapurapish:*f** “Ñucanchicpish mana shina ruhuanchicca” nishpa, munai p'iñarircacuna.

ROMANOS 1:8

Puntaca cancuna crishca tucui llactacunapi uyarishcamantami, Taita Diostaca Jesucristomanta pagui nicunilla.