HECHOS 28:2 - Nuevo Testamento en Quichua Cañar 1996

² Chai llactapi causaccunapish ñucanchictaca llaquishpa allimi tuparcacuna. Tamiapi chirihuan upayacucpimi, ninata japichishpa masharichun ningapac ñucanchictaca c'ayarcacuna.

Dios Rimashcata Quillcashcami

² Chai llactapi causaccunapish ñucanchictaca llaquishpa allimi tuparca. Tamyapi chirihuan cacpimi, ninata japichishpa masharichun tucui ñucanchicta pusharca.

HECHOS 28:2 Referans Kwoze

HEBREOS 13:2

Maijanpish huasiman chayaccunata cushilla chasquinataca, ama cungaringuichicchu. Chai shina pi cashcata mana yachashpa chasquishpami, maijancunaca angelcunata chasquishcacuna.

COLOSENSES 3:11

Chashna cashcamantami israelcuna*f** cashpa, mana israelcuna*f** cashpa, circuncisionta*f** ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

ROMANOS 1:14

Ñucaca griegocunamanpish,*f** mana griegocunamanpish, yachaccunamanpish, mana yachaccunamanpish huillanami cani.

2 CORINTIOS 11:27

Quiquin maquihuanmi shaicucta trabajarcani. Tauca cutinmi mana suiñushpa pacarircani. Yarcaihuanpish, yacunaihuanpish carcanimi. Tauca cutinmi mana micurcani. Chirimantapish, churana illashcamantapish llaquita aparcanimi.

HECHOS 28:4

Maquipi chashna huarcuracucta chaipi causaccuna ricushpaca: “Cai runaca huañuchic runami yuyachin. Ñucanchic diosca millaicunata llaquichic cashpami, yacumanta quishpirimucpipish, paitaca mana causachun saquin” ninacurcacuna.

1 CORINTIOS 14:11

Ashtahuanpish shuctac rimaita mana entendishpaca, chai rimaita rimacmanca mai caru llactamanta shinami cani, shinallatac chai rimaita rimacpish ñucamanca mai carumanta shinami.

SAN MATEO 10:42

Shinallatac ñucata c'atic cashcamanta, cai yangalla shinacunaman asha chiri yacullatapish cucmanca, Taita Diosca pai japina cashcata cungami. Chaica chashnatacmi canga— nirca.

HECHOS 27:3

Chai cayandic punzhaca Sidón pueblomanmi chayarcanchic. Chai pueblopimi mandac Julioca Pablota llaquishpa, paiman imallatapish cungapishchari nishpa, paipac ricsishcacunata ricumuchun cacharca.

ROMANOS 2:27

Maijanpish paipac aichapi mana circuncisionta ruhuashca cashpapish mandashcacunata pactachiccunaca, circuncisionta ruhuashca jahua, mandashcacunata yachashca jahua mana pactachiccunataca juchanchingami.

SAN JUAN 18:18

Yalli chiri cashcamantami Diosman mañana huasita cuidaccunapish, serviccunapish ninata japichishpa masharishpa shayacurca. Pedropish chaillapitacmi paicunahuan masharicurca.

HECHOS 28:3

Chaquishca yantata Pablo tandachishpa ninapi churacucpica, huañuchic culebra ninamanta atishpa, llucshishcahuanmi paipac maquipi canishpa huarcurircalla.

ROMANOS 14:1

Manarac sinchi criccunataca mana caita chaita nishpami, alli chasquina canguichic.

ROMANOS 14:3

Shina cashcamanta tucuita micucca mana tucuita micuctaca mana p'iñanachu, shinallatac mana tucuita micucpish, tucuita micuctaca mana p'iñashpa rimanachu. Diosca ima shina cashcatapish chasquishcallami.