HECHOS 27:41 - Nuevo Testamento en Quichua Cañar 1996

⁴¹ Ña allpaman cuchuyacushpaca, yacu ucupi urcuyashca t'iyupimi barco ñaupa ladoca pambarirca. Chashna pambaricpimi, huashamanta yacu huactashpa, barcota p'aqui callarirca.

Dios Rimashcata Quillcashcami

⁴¹ Barco cuchuyacushpami, yacu ucu tiyupi ñaupa lado pambarirca. Chashna pambaricpimi, huashamanta yacu huactashpa, barcota paqui callarirca.

HECHOS 27:41 Referans Kwoze

HECHOS 27:17

Ña chai uchilla canoata huichicuchishpaca, barco ama p'aquirichunmi barcota purichiccunaca huascacunahuan huatarcacuna. Chai q'uipaca yacu chaupipi urcuyashca Sirte nishca t'iyupi pambarinata manchashpami, barcota purichic liensocunata uricuchishpa, huaira maita apashcata ringapac saquircacuna.

HECHOS 27:30

Barcota purichiccunaca: “Cai barcota shitashpa rishun” nishpa yuyarcacuna. Chaimanta “barcota charic ñaupa anclacunatami uricuchicunchic” nic tucushpa, uchilla canoata yacuman uricuchi callarircacuna.

HECHOS 27:40

Yacu ucuman cacharishca anclacunata charicuc huascacunata p'itishpami, chai anclacunataca yacullapitac saquircacuna. Barcota caiman chaiman apac caspicunataca cacharishpa, barcota purichic ñaupa lado liensotapish jahuaman churacpimi, huairaca barcotaca allpaman cuchuyachi callarirca.

HECHOS 27:42

Chashna tucucucpimi, prezu apacushca runacuna yacupi huambushpa maipi ama miticugrichun soldadocunaca: “¡Huañuchishunchic!” nircacuna.

1 CORINTIOS 15:58

Shina cashcamanta ñuca c'uyashca criccuna, pi ama urmachichunca Apunchic Jesusta tucui shunguhuan crishpa c'atiraichic. Apunchic Jesuspac ruhuaitaca punzhanta ashtahuan ashtahuan ruhuacuichiclla. Apunchic Jesushuan shuc shinalla tucushcamantaca, cancuna imata ruhuashcapish mana yanga cashcataca cancunallatac yachanguichicmi.