HECHOS 26:7 - Nuevo Testamento en Quichua Cañar 1996

⁷ Jatun mandac Agripalla, huañushcacunata Taita Dios causachinataca, ñucanchic chunga ishcai aillu israelcunaca shuyashpa, tutapish punzhapish Taita Dios mandashcacunata pactachishpami causacunchic. Huañushcacunata causachina cashcatatac ñucapish crishcamantami, israelcunaca ñucataca juchanchicuncuna.

Dios Rimashcata Quillcashcami

⁷ Chai cusha nishcatami ñucanchic chunga ishcai Israel aillucunaca tutapish, punzhapish Diosta alli nishpa shuyacuncuna. Jatun mandac Agripalla, chai cusha nishcata crishpa shuyacushcamantami israelcunaca ñucataca juchanchicun.

HECHOS 26:7 Referans Kwoze

SANTIAGO 1:1

Ñucaca Diospacta, Apunchic Jesuspacta ruhuac Santiagomi cani. Israelpac*f** chunga ishcai aillucuna shiguarishpa, caipi chaipi causac criccunata “allillachu canguichic” nishpami, cai quillcata cachani.

1 TIMOTEO 5:5

Imatapish mana charic viuda huarmica Taita Diospi shunguta churashpami, “paica cungallami” nishpa punzhapish, tutapish mañacunlla.

1 TESALONICENSES 3:10

Ñucanchicca cancunapacman rishpa, ñahui ñahui cancunata ricushpa, crina yuyaita cushpa, ashtahuan sinchiyachinatami munanchic. Chai munaicuna pactachunmi, tutapish punzhapish Taita Diosmanca mañacunchiclla.

FILIPENSES 3:11

Chashna ñuca huañushpapish, huañushcacunapuramantaca causarina yuyaillami cani.

SAN LUCAS 22:30

Chashna ruhuacpimi, cancunaca maipi ñuca mandacucpica ñucahuan micunguichic, ubianguichic. Shinallatac mandashpa tiyarinapi tiyarishpami, Israelpac*f** chunga ishcai aillucunata mandanguichic— nirca.

SAN MATEO 19:28

Chaimantami Jesusca cashna nirca: —Cai pachata Taita Dios mushucta ruhuacucpimi, Runa Tucungapac shamushca*f** ñucaca, sumaimana achicllapi mandai callarisha. Chaipica cancunapish ñucata c'aticcuna cashcamantaca, chunga ishcai mandaccuna mandashpa tiyarinacunapi tiyarishpami, chunga ishcai Israel*f** aillucunata mandanguichic. Chaica chashnatacmi canga.

HECHOS 26:2

—Jatun mandac Agripalla. Ñucata israelcuna*f** imamanta juchanchicushcata cambac ñaupapi huillagricushcamanta, munaimi cushicuni.

HECHOS 20:31

Chaimanta cancunaca alli yuyaihuan cana canguichic. Ñucaca quimsa huatacaman tutapish, punzhapish mana samashpami, tucui cancunataca shucllancaman huacashpa cunacurcanilla.

SAN LUCAS 2:25

Chai punzhacunallapitacmi, Simeón runaca Jerusalenpi causacurca. Paica Diosta manchac, paita cazuc cashpami, israelcunata*f** Taita Dios quishpichingapac shamucta shuyacurca. Simeonca Diospac Espirituhuanmi carca.

HECHOS 24:15

Huañushcacunataca allicunata mana allicunatapish, Taita Diosca causachina cashcatami cushicushpa shuyacuni. Ñucata juchanchiccunapish chashnallatacmi shuyacuncuna.

HECHOS 26:3

Tucuita yallica, ñucanchic israelcunapura imata ruhuac cashcatapish, imamanta rimanacucushcatapish, canca alli yachanguimi. Chaimanta cantaca: ‘Ama p'iñarishpa, ñuca huillashcata allita uyai’ nishpami mañani.

HECHOS 28:20

Ñucanchic israelcuna shuyacushcallatatac crishpa shuyacushcamantami, ñucataca caipi cashna cadenahuan huatashca charicuncuna. Chashna parlangapacllami, cancunataca c'ayarcani— nirca.