HECHOS 25:12 - Nuevo Testamento en Quichua Cañar 1996

¹² Shina nicpi, Festoca paita cunaccunahuan parlanacushpaca: —‘Cesarllatac ñucata tapuchun’ nishcamantaca, cunanca paipacmanmi rina cangui— nirca.

Dios Rimashcata Quillcashcami

¹² Chaimantami Festoca paita cunaccunahuan parlanacushpa Pablotaca: —Canca: “Cesarllatac tapuchun” nishcanguimi. Chaimanta paipacmanmi rina cangui— nirca.

HECHOS 25:12 Referans Kwoze

FILIPENSES 1:20

Imamanta mana pingaichishca canatami, ñuca tucui shunguhuan munani. Shinallatac ñuca causaipi ima ruhuashcacunahuan, ñuca huañushca q'uipapish Cristoca tucuipac alli nishca cachunmi munani. Chaimantami cunanpish, tucui punzhacunapish paimanta mana manchashpa huillasha nini.

HECHOS 19:21

Chai q'uipami, Pabloca Macedonia llactata, Acaya llactata rishpa, Jerusalenman rinata yuyacurca. Chaimantaca: “Roma*f** pueblomanpish rinami cani” nicurcami.

HECHOS 28:16

Ña Romaman chayashpaca, pasac soldadocunata mandacca chai llactapi soldadocunata mandacmanmi, tucui prezucunata curca. Pablotaca shuc cuidac soldadohuanmi shuc huasipi ch'ican causachun churarca.

HECHOS 26:32

Shina parlanacucushpami Festota Agripaca: —‘Jatun mandac Cesarmi*f** ñucata tapushpa imatapish ninga’ nishpa, paillatac mana nishca cacpica, cai runataca ñami cacharinchicman carcanchic— nirca.

HECHOS 25:21

Chashna tapucpica paillatacmi: ‘Roma llactata jatun mandac Augustopac ñaupapi ñahuinchinacungacaman, caillapitac casha’ nirca. Shina nicpimi, jatun mandac Augustopacman apangacaman soldadocuna cuidachun nircani— nirca.

HECHOS 23:11

Apunchic Jesusca chai tuta ricurishpami Pablotaca: “Pablo, ama manchanguichu. Ima shinami cai Jerusalenpi ñucamanta huillacungui, chashnallatac Roma*f** pueblopipish huillana cangui” nirca.

SAN MATEO 22:17

Chaimantami cashna tapuc shamunchic: Roma*f** llactata jatun mandac Cesarman*f** impuestotaca paganaca, ¿mandashcapi nishca shinaca alli canga? Mana cashpaca, ¿manachu alli canga?— nishpa tapurcacuna.

HECHOS 25:11

Huañuchina imapish mana caipaccunata ñuca ruhuashca cashpaca, huañuchichun nimanllami. Paicuna juchanchicushca manapish chashna cacpica, ñucataca pi mana paicunaman cachangallachu. Ñucataca Cesarllatac tapuchun ninimi— nirca.

HECHOS 25:13

Asha punzhacuna q'uipami, jatun mandac Agripaca paipac pani Berenicehuan Cesarea pueblopi mandac Festota “allillachu cangui” ningapac shamurcacuna.

HECHOS 27:1

Mandac Festo ñucanchicta ña Italia llactaman cachagricushpaca, Pablotapish, shinallatac shuc prezucunatapish pasac soldadocunata mandac Juliomanmi cushpa cacharca. Chai Julioca Roma*f** llactata jatun mandac Augustopac soldadocunapurami carca.