HECHOS 23:6 - Nuevo Testamento en Quichua Cañar 1996

⁶ Chai tandanacushca mandaccunapuramanta maijancunaca saduceocuna,*f** maijancunaca fariseocuna*f** cacta ricushpami, tucui chaipi caccunapac ñaupapi Pabloca sinchita rimashpaca: —Caipi tandanacushca huauquicuna. Ñucaca fariseo runami cani. Ñuca taitapish fariseomi. Taita Dios huañushcacunata causachinata crishcamantami, caipi cancuna ñucata tapushpa juchanchicunguichic— nirca.

Dios Rimashcata Quillcashcami

⁶ Pablo, chaipi caccuna maijancunaca saduceocuna, maijancunaca fariseocuna cashcata ricushpami, tucui chaipi caccunapac ñaupapi sinchita rimashpaca: —Huauquicuna, ñucaca fariseo runami cani. Ñuca taitapish fariseomi. Dios huañushcacunata causachinata crishpa shuyacushcamantami, ñucata caipi juchanchicunguichic— nirca.

HECHOS 23:6 Referans Kwoze

HECHOS 24:21

Paicunapac ñaupapi: ‘Huañushcacuna causarinata crishcallamantami, cunan cancunaca tapucunguichic’ nishpami, sinchihuan nircani. Chashna nishcallamantami, cunan paicunaca juchanchicuncuna— nirca.

HECHOS 24:15

Huañushcacunataca allicunata mana allicunatapish, Taita Diosca causachina cashcatami cushicushpa shuyacuni. Ñucata juchanchiccunapish chashnallatacmi shuyacuncuna.

FILIPENSES 3:5

Ñucaca hebreopuramanta*f** huacharishca, Benjaminpac huahua huahua israelmi*f** cani. Chaimantami ñucataca huacharishcamanta pusac punzhapica, ña circuncisionta ruhuachishcacuna. Shinallatac fariseo*f** cashpami, Moisés mandashcacunataca alli pactachicurcani.

HECHOS 28:20

Ñucanchic israelcuna shuyacushcallatatac crishpa shuyacushcamantami, ñucataca caipi cashna cadenahuan huatashca charicuncuna. Chashna parlangapacllami, cancunataca c'ayarcani— nirca.

SAN MATEO 22:23

Chai punzhallapitacmi, huañushcacuna causarinata mana cric maijan saduceocunaca*f** Jesusman cashna nishpa tapuc shamurcacuna:

HECHOS 22:5

Ñuca chashna cashcataca, curacunata jatun mandac curapish, cunac yuyaccunapish tucuimi alli yachancuna. Damasco pueblopi causac criccunata japimushpa, cai Jerusalenpi llaquichichunca, paicunami chashna mandashpa quillcata curcacuna. Chaimantami chai puebloman rircani.

SAN MATEO 10:16

Riquichic, ñucaca cancunataca ovejacunata atuccunapac chaupita cachac shinami cachani. Chaimanta cancunaca culebra shina yuyaisapacuna caichic, shinallatac paloma shina c'uyaillacuna caichic.

SAN MATEO 3:7

Shina bautizacucpimi, achca fariseocunapish,*f** saduceocunapish*f** bautizarisha nishpa shamurca. Shina shamucta ricushpami, Juanca: —¡Culebra shina millai gentecuna! Taita Dios p'iñarishpa ima mundota ñalla llaquichigricushcamanta cancuna quishpirichunca, ¿pitac huillarcayari?

HECHOS 22:3

—Ñucaca Cilicia llactapi cac Tarso pueblopi huacharishca, Israel runami cani. Shina cashpapish, cai Jerusalén pueblopimi huiñarcani. Ñucaca Gamaliel runa alli yachachishcami cani. Chaimanta ima shinami ñucanchic ñaupa taitacunaman mandashcacunata cancuna cunan punzhacunapi pactachicunguichic, shinallatac ñucapish Taita Diospaclla causashpa pactachicmi cani.

HECHOS 22:30

Huaranga soldadocunata mandacca israelcuna*f** imamanta Pablota huañuchigricushcata yachanata munashpami, cayandic punzhaca Israel*f** curacunata mandac curacunatapish, tandanacuc mandaccunatapish tucui tandachirca. Chashna tandachishpami, Pablotaca cadenahuan huatashcamanta cacharichishpa, paicunapac ñaupaman aparca.

HECHOS 23:1

Chai tandanacushca mandaccunata ricushpami Pabloca: —Caipi tandanacushca tucui Israel*f** huauquicuna. Ñucaca cunan punzhacamanmi, Taita Diospac ñaupapica alli shunguhuan causacuni— nirca.

HECHOS 23:7

Chashna nicta uyashpaca fariseocunapish, saduceocunapish paicunapura rimanacushpami, p'iñanacushpa chai tandanacushcamanta chaupirircacuna.

HECHOS 23:15

Cunan cancunaca cashna ruhuaichic: Cancunapish, tandanacuc caishuc mandaccunapish huaranga soldadocunata mandacmanca, Pablota ashtahuan alli tapungapac nic shinalla caiman cachachun nigrichic. Ñucanchicca pai manarac chayamucpimi, huañuchingapac ñanpi chapashun— nircacuna.

HECHOS 23:20

Shina nicpi chai huambraca: —Israelcunaca ashtahuan alli tapushun nic shinallami, caya mandaccunapuralla tandanacushcapacman Pablota apamuchunmi mañagricuncuna.

COLOSENSES 1:5

Cashcata nic alli huillaitaca ñami uyarcanguichic. Chaita uyashpami, cancunaca jahua pachapi Taita Dios huacaichishcapi shunguta churashpa shuyacunguichic. Chaita crishpami, cancunaca c'uyanacushpa causacunguichic.

HEBREOS 6:19

Cai shuyacushca yuyaica, barcota charic llashac fierro anclas shinami, ñucanchic almataca alli sinchita chariracun. Shinallatac cai shuyacushcami, jahua pacha Diosman mañana huasipi tiyac, lienso pañu jarcashca Diospaclla ucuman ñucanchictaca yaicuchin.