HECHOS 23:29 - Nuevo Testamento en Quichua Cañar 1996

²⁹ Chai tandanacushcapac ñaupaman apashpa paita tapucpica, israelcunata mandashcapi nishca shina mana pactachishcallamantami, paitaca juchanchishcacuna carca. Ñuca yuyaipica, paitaca imamanta mana huañuchinachu, shinallatac carcel-llapipish mana churanachu can.

Dios Rimashcata Quillcashcami

²⁹ Paicunapac ñaupaman apashpa paita tapucpica, israelcunapac mandashcata mana cazushcallamanta juchanchicushcatami yachac chayarcani. Ñuca yuyaipica, paitaca imamanta mana huañuchinachu, carcelpipish mana churanachu can.

HECHOS 23:29 Referans Kwoze

HECHOS 26:31

chai ucumanta llucshishpa, paicunapuralla parlanacushpaca: —Paita huañuchichunca, ima mana allitaca mana ruhuashcachu. Cai runaca carcel-llapipish mana canachu can— ninacurcacuna.

HECHOS 25:25

Chashna nicucpipish, ñuca yuyaipica paita huañuchichunca ima millaita mana ruhuashcachu. Shina cacpipish paillatac: ‘Roma llactata jatun mandac Augustomi tapushpa, imatapish ninga’ nishcamantami, paipacman cachanata yuyarcani.

HECHOS 18:15

Mana chashnachu cashca. Cai runa yachachishcacunaca, cancunata mandashcacunapi nishca shina mana alli cacpica, cancunallatac allichichic. Ñucaca mana imata nishachu— nirca.

HECHOS 28:18

Chai mandaccuna ñucata alli tapushpaca, imamanta juchanchishpa huañuchinata mana tarishpaca: ‘Cacharishunlla’ nircacunami.

HECHOS 25:11

Huañuchina imapish mana caipaccunata ñuca ruhuashca cashpaca, huañuchichun nimanllami. Paicuna juchanchicushca manapish chashna cacpica, ñucataca pi mana paicunaman cachangallachu. Ñucataca Cesarllatac tapuchun ninimi— nirca.