HECHOS 23:14 - Nuevo Testamento en Quichua Cañar 1996

¹⁴ Paicunami Israel*f** curacunata mandac curacunapacman, cunac yuyaccunapacman rishpa: —Ñucanchicca: ‘Pablota huañuchingacamanmi, imata mana micushun. Mana chaita pactachicpica, Taita Dios ñucanchicta llaquichichun’ nishpami, shuc yuyailla tucushpa ari ninacurcanchic.

Dios Rimashcata Quillcashcami

¹⁴ Paicuna Israel curacunata mandac curacunapacman, pushac yuyaccunapacman rishpaca: —Ñucanchicca Pablota huañuchingacaman, imata mana micungapacmi ari ninacurcanchic. Mana chaita pactachicpica, Dios ñucanchicta llaquichichunmi yuyarinacurcanchic.

HECHOS 23:14 Referans Kwoze

HECHOS 23:12

Cayandic tutamantaca maijan israelcunaca:*f** “Pablota huañuchingacamanmi manatac micushunchu, manatac ubiashunchu. Ñucanchic mana chaita pactachicpica, Taita Dios ñucanchicta llaquichichun” nishpa, shuc yuyailla tucurcacuna.

HECHOS 23:13

Chashna ruhuangapac ari niccunaca, chuscu chunga yalli runacunami carca.

HECHOS 23:20

Shina nicpi chai huambraca: —Israelcunaca ashtahuan alli tapushun nic shinallami, caya mandaccunapuralla tandanacushcapacman Pablota apamuchunmi mañagricuncuna.

HECHOS 23:21

Paicuna chashna nicpipish, ama cringuichu. Chuscu chunga yalli runacunami pacalla chapagricuncuna. Paicunaca: ‘Pablota huañuchingacamanmi, imata mana micushun, imata mana ubiashun. Ñucanchic mana chaita pactachicpica, Taita Dios ñucanchicta llaquichichun’ nishpami yuyarishcacuna. Cunanca can imata nicllatami shuyacuncuna— nirca.