HECHOS 21:8 - Nuevo Testamento en Quichua Cañar 1996

⁸ Cayandic punzha ñucanchic chaimanta rishpaca, Cesarea pueblomanmi chayarcanchic. Chaiman chayashpaca, alli huillaita huillac Felipepac huasiman rishpami, chaipi saquirircanchic. Paica criccunata ayudac cachun, canchiscunata acllashcapuramantami carca.

Dios Rimashcata Quillcashcami

⁸ Cayandi punzhaca, Cesarea pueblomanmi chayarcanchic. Chaiman chayashpaca, alli huillaita huillac Felipepac huasipimi pozarcanchic. Paica criccunata ayudaccunapuramanta shucmi carca.

HECHOS 21:8 Referans Kwoze

HECHOS 6:5

Paicuna chashna nishcaca, tucui criccunapac yuyaipica allimi carca. Chaimantami Estebanta acllarcacuna. Paica Diospac Espirituhuan cashpami, alli cric carca. Chashnallatac Felipeta, Procorota, Nicanorta, Timonta, Parmenasta, israelcuna*f** yachachishcata c'atic, Antioquía pueblomanta Nicolastapish acllarcacuna.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

2 TIMOTEO 4:5

Chashna cacpipish canca llaquita apashpa, cambac ruhuana cashcata pactachinguilla. Ashtahuan alli yuyaihuan quishpirinamanta alli huillaitaca huillanguilla.

HECHOS 28:16

Ña Romaman chayashpaca, pasac soldadocunata mandacca chai llactapi soldadocunata mandacmanmi, tucui prezucunata curca. Pablotaca shuc cuidac soldadohuanmi shuc huasipi ch'ican causachun churarca.

HECHOS 16:13

Chaipi cashpami samana punzha*f** chayamucpica, chai pueblomanta llucshishpa, jatun yacu pataman rircanchic. Chai yacu patapimi, Taita Diosman mañangapac israelcunaca*f** tandanacuc cashca carca. Ñucanchicpish chaipi tiyarishpami, chaiman tandanacumuc huarmicunaman yachachircanchic.

HECHOS 16:10

Pablo chashna muscuipi shina ricushcata huillacpica: “Taita Diosmi ñucanchictaca chai llactapi alli huillaita huillachun c'ayashca” nishpami, Macedonia llactaman rina yuyailla carcanchic.

HECHOS 9:30

Criccuna chaita yachashpami, Saulotaca Cesarea pueblocaman pushashpa, Tarso puebloman cacharcacuna.

HECHOS 28:11

Ña quimsa quillata chai llactapi cashca q'uipami, Cástor shutita, Pólux shutita churashca barcopi huichicurcanchic. Chai barcoca Alejandría pueblomanta shamushpami, tamia quillacunataca chaipi cashca carca.

HECHOS 27:1

Mandac Festo ñucanchicta ña Italia llactaman cachagricushpaca, Pablotapish, shinallatac shuc prezucunatapish pasac soldadocunata mandac Juliomanmi cushpa cacharca. Chai Julioca Roma*f** llactata jatun mandac Augustopac soldadocunapurami carca.

HECHOS 23:23

Huaranga soldadocunata mandacca pasac soldadocunata mandaccunatami ishcaita c'ayashpa, cashna nishpa mandarca: “Cunan unai tutataca Cesarea puebloman richun, chaquillahuan ric soldadocunataca, ishcai pasac soldadocunata tandachinguichic. Caballopi ric soldadocunataca, canchis chunga soldadocunata tandachinguichic. Shinallatac lanzahuan ric soldadocunataca, ishcai pasac soldadocunata tandachinguichic.

HECHOS 20:13

Pabloca Asón pueblocaman chaquillahuan risha nishcamantami, ñucanchicca ari ninacushpa: “Chai pueblopi tupashpa, paita apashunllami” nishpa, barcopi chaiman ñauparcanchic.

HECHOS 20:6

Ñucanchicca levadura*f** illac tandata micuna punzhacuna tucuricpimi, Filipos pueblomantaca barcopi tiyarishpa, pichca punzhapi Troas pueblomanca chayarcanchic. Chaipimi chai ñaupashpa ric criccunahuan tupanacushpa, canchis punzhata carcanchic.

HECHOS 18:22

Ña Cesarea puebloman chayashpaca, Jerusalenman rishpami chaipi tandanacushca criccunata “allillachu canguichic” nishpa, Antioquía puebloman urai rirca.

HECHOS 16:16

Shuc punzha Taita Diosman mañangapac ñucanchic ricushpaca, ima tucunata yachac supai japishca huarmi huambrahuanmi tuparcanchic. Chai huambraca chashna yachac cashpa imatapish huillacpimi, paipac amocunaca achca cullquita japiccuna carca.

HECHOS 10:1

Cesarea pueblopica, Cornelio runami causarca. Paica Italia llactamanta pasac soldadocunata mandacmi carca.

HECHOS 21:16

Cesarea pueblomanta maijan criccunapish ñucanchichuanca rircacunami. Paicunami Chipre llactamanta Mnasón ña unai cric runapac huasiman pushashpa rircacuna. Chai huasipimi pozana carcanchic.