HECHOS 21:40 - Nuevo Testamento en Quichua Cañar 1996

⁴⁰ Shina nicpi pai huillachun saquicpica, chai gradapi Pablo shayarishpami, maquihuan gentecunata upallachirca. Paicuna ña upallacpica, hebreo*f** rimaipimi cashna nishpa huillarca:

Dios Rimashcata Quillcashcami

⁴⁰ Mandac huillachun saquicpica, chai gradapi Pablo shayarishpami, maquihuan señata ruhuashpa gentecunata upallachirca. Chai quipa hebreo rimaipi rimashpaca:

HECHOS 21:40 Referans Kwoze

HECHOS 12:17

Paica maquillahuan “upalla caichic” nishpami, Mandac Dios ima shina paita carcelmanta llucchishpa cachashcata paicunaman parlarca. Chashna parlashpaca: —Caitaca Jacobomanpish, caishuc criccunamanpish parlanguichic— nishpaca, chaimanta llucshishpa, shuc llactaman rircallami.

HECHOS 26:14

Chashna achicyachicpica, tucui riccunami pambaman urmarcanchic. Chashna urmashpaca: ‘Saulo, Saulo, ¿ima nishpatac ñucataca p'iñashpa llaquichicungui? Canca puya puntapi huagra jaitashpa chugriric shinami, canllatac llaquita apacungui’ nishpa, hebreo*f** rimaipi rimactami uyarcani.

HECHOS 22:2

Hebreo rimaipi rimacta uyashpacarin, ashtahuanmi upallarcacuna. Chashna upallacpimi, Pabloca:

SAN JUAN 5:2

Jerusalenpica ovejacuna ucuman yaicuna pungu cuchupimi, shuc uchilla yacu cucha tiyan. Chai cuchaca hebreo*f** rimaipica Betzata shutimi can. Chai cucha muyundictaca, pichca corredor shinata ruhuashpa c'atashcami can.

HECHOS 21:35

Tucui mashna Pablota p'iñarishpa c'atimucucpimi, soldadocunaca paicuna causana huasiman yaicuna gradascaman chayashpaca, Pablota huandushpa huichicuchircacuna.

HECHOS 19:33

Chai tandanacushcacunapac chaupimantami, israelcunaca*f** Alejandro runataca imallatapish nichun t'angashpa cacharcacuna. Chashna cachacpi, Alejandroca tucui chaipi caccunapac ñaupapi shayarishpa, maquihuan upallachishpami: “Ñucanchic israelcunaca mana jatarichishcanchicchu” ninata munarca.

APOCALIPSIS 16:16

Chai millai espiritucunaca hebreo*f** rimaipi Armagedón nishca pambapimi tucui mandaccunata tandachirca.

APOCALIPSIS 9:11

Chai animalcunata mandacca ucu pacha jutcu ucumanta llucshic angelmi carca. Chai angelpac shutica hebreo*f** rimaipica Abadón, shinallatac griego*f** rimaipica Apolión shutimi carca.

HECHOS 13:16

Shina nicpi Pabloca jatarishpa, maquihuan “upalla caichic” nishpami, paicunataca: —Tucui caipi cac Israel huauquicunalla, Taita Diosta manchac caishuccunapish, ñuca ima nishcata uyaichic.

HECHOS 6:1

Chai punzhacunapica, achca gentecunami Jesusta crishpa mirarircacuna. Paicunapurapica, maijancunaca griego*f** rimaita, maijancunaca hebreo*f** rimaita rimaccunami carca. Chashna cashpami, griego rimaita rimaccunaca: “Ñucanchicpura viuda huarmicunamanca, punzhanta imalla illashcataca mana alli chaupicunguichicchu” nishpami, hebreo rimaccunataca juchanchi callarircacuna.

SAN JUAN 19:20

Jesusta chacatashcaca Jerusalén pueblo cuchullapi cashcamantami, achca israelcuna chai quillcashcata ricurca. Chai quillcashcaca hebreo rimaipi, latín*f** rimaipi, shinallatac griego*f** rimaipi quillcashcami carca.

SAN JUAN 19:17

Jesusca paita chacatana cruzta aparishpami, Gólgota urcuman llucshirca. Hebreo*f** rimaipi “Gólgota” nishpaca, “uma tullu” nisha ninmi.

SAN JUAN 19:13

Pilato chaita uyashpaca, Jesusta canzhaman llucchishpami pai mandashpa tiyanapi tiyarirca. Chai tiyanaca Gabata nishca pambapimi carca. Hebreo*f** rimaipica “Gabata” nishpaca, “rumihuan ruhuashca pamba” nisha ninmi.

SAN LUCAS 23:38

Jesusta chacatashca uma jahua caspipica, griego*f** rimaipi, latín*f** rimaipi, hebreo*f** rimaipi: “Caica Israelcunata Jatun Mandacmi” nishpa, quillcashca tiyacurca.

HECHOS 1:19

Chashna tucushcata Jerusalenpi tucui causaccuna yachashpaca, chai allpataca paicunapac quiquin rimaipimi ‘Acéldama’ shutita shutichircacuna. ‘Acéldama’ nishcaca, ‘Yahuar Allpa’ nisha ninmi.