HECHOS 21:34 - Nuevo Testamento en Quichua Cañar 1996

³⁴ Ashtahuanpish caishuc chaishuc caparinacucpimi, chai mandacca imamanta chashna ruhuacushcataca mana yachai pudirca. Chaimantami soldadocunataca: “Cancuna causana huasiman Pablota apaichic” nishpa mandarca.

Dios Rimashcata Quillcashcami

³⁴ Ashtahuanpish chai mandacca tucui gentecuna caita, chaita caparinacucpimi, imamanta chashna bullacushcata mana yachai pudirca. Chaimantami Pablota cuartelman apachun, soldadocunata mandarca.

HECHOS 21:34 Referans Kwoze

HECHOS 23:10

Chai tucui tandanacuipi caccuna p'iñanacui callaricpimi, huaranga soldadocunata mandacca: “Cunanca Pablotaca, ¡imatachari ruhuangacuna!” nishpa, munai mancharirca. Chaimantami Pablotaca chai tandanacushcacunapac chaupimanta llucchishpa, soldadocuna causana huasiman cutin apachun soldadocunata c'ayac cacharca.

HECHOS 19:32

Chai ucupi caccunamanta chaupi yallicarin, imapac tandanacushcatapish mana yacharcacunachu. Chashna cashpami, shuccunaca caita, shuccunaca chaita nishpa caparinacurcacuna.

HECHOS 23:16

Ashtahuanpish chai parlanacushcataca Pablopac panipac c'ari huahua uyashpami, soldadocuna causana huasipi Pabloman huillangapac rirca.

HECHOS 22:24

Chashna ruhuacpimi, huaranga soldadocunata mandacca: —¡Cancuna causana huasiman Pablota yaicuchishpa, imamanta chashna paita p'iñashpa, caparishcata huillangacaman macaichic!— nishpami, soldadocunataca mandarca.

HECHOS 21:37

Soldadocuna causana huasiman ña yaicuchigricucpimi, Pabloca soldadocunata mandactaca: —¿Manachu imata ni pudini?— nishpa tapurca. Shina nicpi chai mandacca: —Canca, ¿griego*f** rimaita yachanguichu?

HECHOS 22:30

Huaranga soldadocunata mandacca israelcuna*f** imamanta Pablota huañuchigricushcata yachanata munashpami, cayandic punzhaca Israel*f** curacunata mandac curacunatapish, tandanacuc mandaccunatapish tucui tandachirca. Chashna tandachishpami, Pablotaca cadenahuan huatashcamanta cacharichishpa, paicunapac ñaupaman aparca.

HECHOS 25:26

Ñucaca pai imata ruhuashcata mana alli yachashcamantami, jatun mandac Augustomanca mana imata quillcai pudini. Chaimantami jatun mandac Agripalla, can imatapish tapucpi chaita quillcashpa cachangapac cambac ñaupaman, shinallatac tucui caipi caccunapac ñaupaman paitaca apamuni.

HECHOS 23:32

Cayandic punzhaca chaquillahuan ric soldadocunaca, caballopi ric soldadocunallata Pablohuan cachashpami, soldadocuna causana huasillamantac cutircacuna.