HECHOS 20:25 - Nuevo Testamento en Quichua Cañar 1996

²⁵ Sarun punzhacunapimi, Taita Dios mandacucmantaca taucacunaman huillarcani. Chaita uyaccunaca cancunapish, shuccunapish cunanmanta pacha ña mana ñucataca ricunguichicchu. Chaica chashnatacmi canga.

Dios Rimashcata Quillcashcami

²⁵ Taucacunamanmi Dios mandacucmanta huillashpa pasarcani. Chai uyaccunamantaca ñuca ñahuita mana ashtahuan ricunguichicchu. Chaica chashnatacmi canga.

HECHOS 20:25 Referans Kwoze

HECHOS 28:31

Taita Dios mandacucmanta huillashpa, Apunchic Jesucristomantapish yachachic carca. Pi mana jarcashcami, pai tucui huillasha nishcataca huillac carca.

HECHOS 20:38

“Ñucataca ña mana ashtahuan ricunguichicchu” nishcamantami ashtahuan llaquirishpa, barcocaman Pablohuan rircacuna.

SAN MATEO 4:23

Tucui Galilea llactapi tiyac israelcuna*f** tandanacuna huasicunapimi, Jesusca yachachishpa puricurca. Taita Dios mandacucmanta alli huillaitami huillarca, shinallatac tucui laya ung:uihuan, nanaihuan cac gentecunatapish alliyachircami.

COLOSENSES 2:1

Ñucaca cancunamantapish, Laodicea pueblopi caccunamantapish, shinallatac tucui ñucata ñahui ñahui mana ricsiccunamantapish llaquita apashpa, tucui yuyaihuan ruhuacushcatami yachachun munani.

GÁLATAS 1:22

Chai punzhacunapica Cristota cric, Judea llactapi causac tandanacushca criccunaca ñucataca mana ñahui ñahui ricsircacunachu,

ROMANOS 15:23

Chashna cashpapish, tucui cai llactacunapica ñami ñuca imata ruhuana cashcataca tucuchini. Chashna ña tucuchishpaca, tauca huatacunata ricungapac rina munaita charishcamantami,

HECHOS 8:12

Chashna cacpipish Apunchic Jesucristo Quishpichic cashcata, shinallatac Taita Dios mandacucmantapish Felipe huillacpica, c'aricunapish, huarmicunapish crishpami bautizarircacuna.

SAN LUCAS 16:16

Moisés mandashcacunapish, Diosmanta ñaupa huillaccuna huillashcacunapish, Bautizac Juan causai punzhacamanllami carca. Chaimanta pachami, Taita Dios mandacucmanta alli huillaica callarirca. Chai huillaita uyashpaca, tucui mashnami Taita Dios mandacucmanca ima shinapish yaicushun nincuna.

SAN LUCAS 9:60

Chashna nicpi Jesusca: —Saqui, huañushca shina causaccunaca huañushcacunata enterrachun. Canca shamui, Taita Dios mandacucmanta alli huillaita huillagringui— nirca.

SAN MATEO 13:52

Chashna nicpi Jesusca: —Shinashpaca, jahua pacha Taita Dios mandacucmanta yachachiccuna yachachicpica, shuc taita paipac huasimanta imalla huacaichishpa charishcacunata mushuctapish, maucatapish canzhaman llucchic shinami— nirca.

SAN MATEO 13:19

Ñanpi urmashca muyu shinaca, maijanpish Taita Dios mandacucmanta huillacpi, uyashpa mana entendiccunami. Chashna cacpimi, Taita Dios rimashca shimita paicunapac shungupi chasquishcataca, diablo shamushpa chingachinlla.

SAN MATEO 10:7

Cancuna rishpaca: ‘Jahua pacha Taita Diosca ñami mandagrin’ nishpa huillanguichic.

SAN MATEO 4:17

Chaimanta pachami Jesusca: “Taita Diosca ñami mandagrin. Chaimanta juchayuc cashcamanta llaquirishpa, Taita Diosman cutirichic” nishpa huillai callarirca.