HECHOS 20:20 - Nuevo Testamento en Quichua Cañar 1996

²⁰ Shina cacpipish ñucaca cancunaman huillanatapish, yachachinatapish manatac saquircanichu. Cancunapac allipacllatacmi tucuipac ñaupapipish, cancunapac huasicunapipish huillashpa purircani.

Dios Rimashcata Quillcashcami

²⁰ Ñucaca cancunapac allipacmi huillacurcanilla, yachachicurcanilla. Chashnami tucuipac ñaupapipish, huasicunapipish huillacurcani.

HECHOS 20:20 Referans Kwoze

HECHOS 20:27

Ñucaca Taita Dios imata huillachun nishcataca, mana pacashpami tucui huillarcani.

2 TIMOTEO 4:2

Alli huillaitaca uyasha nicpi, mana uyasha nicpipish huillacunguilla. Mana p'iñarishpa alli yachachishpa rimacuilla, cunacuilla nishpami mingani.

HECHOS 5:42

Shinallatac paicunaca Diosman mañana huasipipish, mai huasicunapipish punzhantami yachachishpa, Jesucristomantaca alli huillaita huillacurcacunalla.

COLOSENSES 1:28

Ñucanchicca Jesucristota crishcamanta tucui mashna Diospac ñaupapi mana pi juchanchishca cachunmi, Jesucristomanta huillashpaca, cunashpa, tucui yuyaihuan allita yachachinchic.

HECHOS 20:31

Chaimanta cancunaca alli yuyaihuan cana canguichic. Ñucaca quimsa huatacaman tutapish, punzhapish mana samashpami, tucui cancunataca shucllancaman huacashpa cunacurcanilla.

1 CORINTIOS 15:3

Tucuimanta yallica, ñuca ima shina chasquishca shinallatacmi, cancunamanpish yachachircani. Dios quillcachishcapi nishca shinallatacmi, Cristoca ñucanchic juchacunata perdonangapac huañurca.

1 CORINTIOS 14:6

C'uyashca criccuna, ñuca cancunapacman rishpa, Dios ima nishcata huillanapac randi, ima alli yachaicunata yachachinapac randi, cashcata yachachinapac randi, imatapish shuctac allita pushanapac randica, jaicapi mana uyashca rimaicunata rimacucpica, ¿ima allitac cangayari?

1 CORINTIOS 12:7

Tucuipac allipacmi, Taita Diosca tucui ñucanchicman allicunata ruhuachishpa, paipac Espíritu ñucanchic shungupi cashcata ricuchicun.

HECHOS 2:46

Punzhantami Diosman mañana huasipi tandanacuccuna carca. Shinallatac paicunapac huasicunapipish tandanacushpa, Jesús huañushcata yuyarishpa, c'uyai shunguhuan cushicushpami micuccuna carca.

MARCOS 4:34

Paicunamanca yuyaita japina parlocunallahuanmi imatapish yachachirca. Paipac yachacuccunallahuan cashpaca, ima nisha nishcatapish tucuimi entendichirca.

FILIPENSES 3:1

C'uyashca criccuna, ¡Apunchic Jesushuan shuc shinalla cashcamanta cushicuichic! Ñucamanca chaillatatac, chaillatatac nishpa quillcanaca, mana shaicuchinchu. Cashna nishpa quillcanaca, cancunamanca mai allimi canga.

HECHOS 5:2

Chai runaca allpata c'atushca cullquitaca chaupishpami huacaichirca. Chaitaca paipac huarmipish yacharcami. Chai chaupishca cullquitaca tucuita apamuc shinami, Jesús acllashca huillaccunamanca curca.