HECHOS 2:39 - Nuevo Testamento en Quichua Cañar 1996

³⁹ Ñucanchicman Mandac Dios cashna cusha nishcaca, cancunamanpish, cancunapac huahuacunamanpish, shinallatac tucui carupi causaccunamanpish. Pipish pai acllasha nishcacunamanmi, cusha nishca— nirca.

Dios Rimashcata Quillcashcami

³⁹ Chaitaca Mandac Diosmi cancunamanpish, cancunapac huahuacunamanpish, tucui carupi causaccunamanpish, tucui pai acllashcacunaman cusha nishca— nirca.

HECHOS 2:39 Referans Kwoze

ROMANOS 8:30

Shinallatac callarimanta ch'icanyachishcacunataca Diosca c'ayarcami. Chai c'ayashcacunataca paihuan alli tucuchun chasquircami. Paihuan alli tucushcacunamanca paipac sumaimana cushicui causaipi causachun curcami.

EFESIOS 4:4

Diospac Espirituca shucllami. Chaimantami tandanacushca criccunaca shuc cuerpo shinalla can. Taita Diospish cancunata shuclla japina cashcata cushicushpa shuyachunmi c'ayarca.

HECHOS 15:8

Tucui gentecunapac shunguta yachac Taita Diosca, mana israelcunatapish cricpica chasquircami. Chaita ricuchingapacca, ñucanchicman cushca shinallatacmi, paicunamanpish paipac Espiritutaca curca.

1 PEDRO 5:10

Ashtahuanpish asha punzhacaman llaquicunata cancuna apashca q'uipaca, Diosllatacmi pi mana juchanchipacta ruhuashpa, alli sinchiyachishca shina alli c'aticta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun c'uyaimanta huiñaita sumacyachishca cachun acllarca.

APOCALIPSIS 19:9

Chai ángel ñucaman nishpaca: —‘¡Pactalla Ovejapac bodaman c'ayashcacunaca mai cushicuimi cancuna!’ nishpa quillcai. Cai rimashca shimicunaca mana llullachu, ashtahuanpish Dios rimashcami— nirca.

2 PEDRO 1:3

Taita Diosca Jesucristota ricsichishpami, pai imatapish ruhuaclla cashcahuan ñucanchic paita allita yuyariccuna cachun, tucui ima illashcatapish ñucanchicmanca cushca. Cristoca pai cashcata ruhuac cashcata, sumaimana cashcata ricuchingapacmi c'ayarca.

HEBREOS 9:15

Dioshuanpish, gentecunahuanpish mushuc ari ninacuita pactachic Jesucristoca huañushpami, gentecuna puntaman ari ninacushcata mana pactachishpa, juchapi huatashca shinacunataca cacharichishca. Chai shinami Dios c'ayashcacuna pai cusha nishcata huiñai huiñaipac chasquichun ruhuarca.

APOCALIPSIS 17:14

Chaicunaca Pactalla Ovejahuanmi*f** macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios c'ayashpa acllashca, paita allita c'aticcunahuan tucushpa, paicunata mishanga— nirca.

2 PEDRO 1:10

Chaimanta c'uyashca criccuna, cancunata Dios acllashpa c'ayashcamantaca, caicunata yuyaipi charishpami causana canguichic. Chashna causashpami, jaicapi mana pandaringuichic.

2 TIMOTEO 1:9

Taita Diosmi paipaclla causachun nishpami, ñucanchictaca quishpichishpa c'ayarca. Mana ñucanchic ima allita ruhuashcamantachu quishpichirca, ashtahuanpish Taita Dios c'uyashcallamantami, Jesucristohuan ñucanchic shuc shinalla tucucpi quishpichirca. Cai pacha manarac tiyacpimi, ñucanchictaca Taita Diosca c'uyashpa, chashnaca ruhuasha nishca.

EFESIOS 1:18

Cancuna pai c'ayacpi imata shuyana cashcata yachachun, shinallatac paipaclla caccunaman Dios cusha nishcaca sumac cashcata yachachunmi, alli yuyaita cuchun nishpa Diosman mañani.

ROMANOS 11:29

Taita Diosca cushpapish mana quichunchu. Shinallatac pai c'ayashpapish, “mana c'ayashcanica” nishpaca mana ninchu.

HEBREOS 3:1

C'uyashca criccuna, cancunaca Diospaclla causachun c'ayashcacunami canguichic. Chashna cashcamanta ñucanchic crishca shina, Jesucristotaca Diosmanta huillac cashcata, shinallatac curacunata jatun mandac cura cashcata yuyashunchic.

1 CORINTIOS 7:14

Chai shina cashpami, cusaca huarmi cric cashcamanta Diospaclla tucunga. Shinallatac mana cric huarmipish, cusa cric cashcamanta paihuan tandanacushcamantami Diospaclla tucunga. Mana shina cashpaca, paicunapac huahuacunaca mana cricpac huahuacuna shinallatacmi cangacuna. Chai shina cashpapish, paicunaca Diospaclla causaccunapurami tucushcacuna.

2 TESALONICENSES 1:11

Imatapish ruhuaclla ñucanchic Diosllatac cancunata c'ayashcamanta, cancuna pai munashca shina causachunmi, cancunamanta punzhanta mañacunchic. Shinallatac cancuna crishcamanta alli ruhuaicunatapish, alli yuyaicunatapish pai munashca shina pactachinata ayudachunmi, cancunamanta mañacunchic.

ROMANOS 9:24

Shina cashcamantami Taita Diosca shuccunataca israelcunapuramanta, shuccunataca mana israelcunapuramanta*f** ñucanchictaca acllarca.

ROMANOS 9:4

Paicunaca taita Israelpac*f** huahua huahuami cancuna. Shina cashcamantami Diosca paipac huahuacuna cachun acllarca. Taita Diosca paipac sumaimana cashcatapish paicunamanca ricuchircami. Paicunaca Moisés mandashcacunatapish, Dios c'uyashpa paicunaman ari nishcacunatapish, Dios cusha nishcacunatapish charinmi. Shinallatac ima shina Diosman mañanatapish yachancunami.

HECHOS 15:14

Taita Dios llaquishpa, mana israelcunatapish paipaclla cachun acllai callarishcatami, Simón Pedroca ña ñucanchicman parlarca.

HECHOS 15:3

Antioquía criccuna paicunata cachacpica, Fenicia llactata, Samaria llactatami rircacuna. Chai llactacunapica tucui criccunamanmi, mana israelcunapish*f** Taita Diosman cutirishcata parlarcacuna. Chashna parlacpica, chai criccunaca tucuimi munai cushicurcacuna.

HECHOS 14:27

Antioquía puebloman chayashpaca, chaipi causac tucui criccunatami tandachircacuna. Chashna tandachishpami, Taita Dios paicunahuan cacpi ima allicunata ruhuashcatapish, shinallatac mana israelcunacaman*f** quishpirichun Taita Dios saquishcatapish parlarcacuna.

HECHOS 10:45

Pedrohuan shamuc Jesusta cric israelcunaca,*f** Taita Diosca paipac Espirituta mana israelcunamanpish*f** cushcata ricushpami mancharircacuna.

EFESIOS 2:12

Ñaupa mana Cristohuan cashpami, israelcunamanta ch'icanyachishca carcanguichic. Chaimantami Dios c'uyashpa ari nishcatapish, pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.