HECHOS 2:37 - Nuevo Testamento en Quichua Cañar 1996

³⁷ Chaipi caccunaca Pedro chashna huillacta uyashpami, shungupi mai llaquirishpa Pedrotapish, Jesús acllashca caishuc huillaccunatapish: —Huauquicuna, ¿imatatac ruhuana canchic?— nishpa tapurcacuna.

Dios Rimashcata Quillcashcami

³⁷ Chaipi caccunaca Pedro chashna huillacta uyashpami, shungupi llaquirirca. Chaimantami Pedrotapish, apostolcunatapish tapushpaca: —Huauquicuna, ¿imatatac ruhuashun?— nirca.

HECHOS 2:37 Referans Kwoze

SAN LUCAS 3:10

Shina nicpi chaipi caccunaca: —Shinashpaca, ¿imatatac ruhuana canchic?— nishpa tapurcacuna.

HECHOS 22:10

Chaipimi ñucaca: ‘Apunchic Jesús, ¿imatatac ruhuashayari?’ nicpi Apunchic Jesusca: ‘Jatarishpa, Damascollamantac rilla. Chaipimi can ima ruhuana cashcataca huillanga’ nirca.

SAN LUCAS 3:14

Shinallatac maijan soldadocunapish: —Ñucanchicca, ¿imatatac ruhuana canchic?— nirca. Shina tapucpimi Juanca: —Pitapish macanahuan manchachishpa, mana quichunachu canguichic. Cullquita japingaraicu, pitapish mana yanga juchanchinachu canguichic. Mashna cullquita japicushcallahuan cushilla caichic—nirca.

SAN LUCAS 3:12

Shinallatac Roma*f** llactaman impuestota japiccunamanta maijan runacunapish bautizarisha nishpa shamushpaca: —Yachachic. ¿Imatatac ñucanchicca ruhuana canchic?— nishpami tapurcacuna.

SAN JUAN 8:9

Chaita uyashpaca, shucllancaman shucllancamanmi, yuyaccunamanta pacha callarishpa llucshishpa rircacunalla. Shina chai huarmita apamuc runacuna tucui ricpica, huarmillami Jesushuanca saquirirca.

ROMANOS 7:9

Mandashcacuna ima nicushcata mana yachashpami puntaca causarcani. Shina cacpipish mandashcacunata ña yachacpica, juchaca ashtahuan mana alli yuyaita cucpimi,

HECHOS 7:54

Esteban chashna nicta uyashpaca, tucui chaipi caccunami quirucuna mucurishpa, munai p'iñarircacuna.

HECHOS 5:33

Shina nicta uyashpaca, chai mandaccunaca munai p'iñarishpami, huañuchichishun nircacuna.

HECHOS 1:16

“Caipi tandanacushca tucui criccuna. Jesusta Judas japichina cashcataca, ñaupamanmi Diospac Espíritu yuyaita cushpa, Davidman quillcachishca. Chaica pactanami carca.