HECHOS 2:22 - Nuevo Testamento en Quichua Cañar 1996

²² Tucui israelcuna, cai ñuca huillashcata alli uyaichic: Taita Diosca Nazaret pueblomanta Jesusta cachashpami, pi mana ruhuaipaccunata ruhuachishpa, pi mana ricushcacunatapish ricuchishpa, Jesús pi cashcata cancunamanca ricuchirca. Chaitaca cancunallatac alli yachanguichicmi.

Dios Rimashcata Quillcashcami

²² Tucui israelcuna, cai ñuca huillashcata alli uyaichic. Diosca Nazaret pueblomanta Jesusta cachashpami, mancharinacunata ruhuachishpa, milagrocunata ricuchishpa, Jesús pi cashcata cancunaman ricuchirca. Chaitaca cancunallatacmi alli yachanguichic.

HECHOS 2:22 Referans Kwoze

SAN JUAN 3:2

Paimi Jesuspacman tuta rishpaca: —Yachachic. Ñucanchicca can Dios cachashca yachachingapac shamushcataca yachanchicmi. Pipish can ruhuacuc shina, pi mana ruhuaipaccunataca mana Dioshuan cashpaca, mana ruhuanmanchu— nirca.

HECHOS 4:10

Cancunapish, tucui israelcunapish alli yachachunca, cashnami nini: Nazaret pueblomanta Jesucristotaca, cancunami chacatashpa huañuchircanguichic. Cancuna huañuchicpipish, Taita Diosmi paitaca huañushcacunapuramanta causachirca. Chai Jesusllatac alliyachicpimi, cai runaca cancunapac ñaupapi alli tucushca shayacun.

SAN LUCAS 11:20

Ashtahuanpish ñucaca Taita Dioshuan cashpami, supaicunataca llucchishpa cachani. Chashna ruhuashpaca, cancunapurapi Taita Dios mandai callarishcatami ricuchicuni.

SAN MATEO 12:28

Ñucaca Diospac Espirituhuan cashpami, supaicunataca llucchishpa cachani. Chashna ruhuashpami, cancunapurapi Taita Dios mandai callarishcataca ricuchicuni.

SAN MATEO 9:8

Chashna alliyachicta tucui chaipi cac gentecuna ricushpaca, mancharinacushpami: —¡Taita Diosmi cai ruhuanacunataca runacuna ruhuachun cushca!— nishpa, Taita Diostaca “allimari cangui” nircacuna.

HEBREOS 2:4

Taita Diospish pi mana ruhuaipaccunata, pi mana ricushcacunata ruhuashpa, shinallatac pai munashca shina imatapish ruhuachun paipac Espiritutaca cushpami, chashnatac cashcata ricuchirca.

2 CORINTIOS 12:12

Ñucaca mana p'iñarishpa alli shunguhuan llaquicunata apashpapish, pi mana ruhuaipaccunata, pi mana ricushcacunata ruhuashcataca cancunallatacmi ricurcanguichic. Chashna ruhuashcacunami ñucata Jesús acllashca huillac cashcatatac ricuchicun.

HECHOS 26:26

Caicunaca mana pacallapichu chashna tucushca, ashtahuanpish caipi tiyacuc mandac Agripapish, chai tucui ima tucushcataca allimi yachan. Chashna cacpimi, ñucaca paipac ñaupapi imata mana manchashpa huillacuni.

HECHOS 26:9

Ñaupaca ñucallatacmi: ‘Nazaret pueblomanta Jesús huañushpa causarishcata criccunataca, imatapish ruhuashpa llaquichinaca allimi’ nishpa yuyarcani.

HECHOS 24:5

Cai runaca puric ung:ui shinami, maipipish israelcunataca*f** pandata yachachishpa, macanacuipi churashpa puricushca. Paica Nazaret pueblomanta Jesús yachachishcata c'aticcunata pushacmi cashca.

HECHOS 22:8

Chashna nicpi: ‘Amito, ¿pitac cangui?’ nicpica: ‘Ñucaca can llaquichicushca Nazaret pueblomanta Jesusmi cani’ nirca.

HECHOS 21:28

Chashna japishpaca: “¡Israel*f** runacuna, tandanacuichic! Cai runamari tucui llactacunata purishpa, ñucanchic quiquin llactatapish, Moisés mandashcacunatapish, shinallatac Diosman mañana cai huasitapish mana alli nishpami yachachishca. Cunancarin, manapish israelcunatami*f** Diosman mañana huasiman yaicuchishpa, Diospaclla cac huasitaca mapayachicun” nishpami caparircacuna.

HECHOS 14:27

Antioquía puebloman chayashpaca, chaipi causac tucui criccunatami tandachircacuna. Chashna tandachishpami, Taita Dios paicunahuan cacpi ima allicunata ruhuashcatapish, shinallatac mana israelcunacaman*f** quishpirichun Taita Dios saquishcatapish parlarcacuna.

HECHOS 13:16

Shina nicpi Pabloca jatarishpa, maquihuan “upalla caichic” nishpami, paicunataca: —Tucui caipi cac Israel huauquicunalla, Taita Diosta manchac caishuccunapish, ñuca ima nishcata uyaichic.

HECHOS 6:14

‘Nazaret pueblomanta Jesusca Diosman mañana huasita urmachingami. Moisés ñucanchicta yachachishcatapish chingachishpa, shuc layatami yachachinga’ nictami uyarcanchic— nircacuna.

HECHOS 5:35

Ña llucshicpica, mandaccunataca: —Israel runacuna. Cai runacunataca imata ruhuagricushcataca alli yuyarichic.

HECHOS 3:12

Chashna tandanacumucta ricushpaca, Pedroca: “Tucui israelcuna,*f** ¿ima nishpatac cai runata alliyachishcata ricushpalla mana amiringuichic? ¿Ima nishpatac ñucanchictaca ricuracunguichic? Mana ñucanchicchu chashna alliyachishcanchic. Shinallatac mana Taita Diosman mañaccuna cashcallamantachu alliyachishcanchic,

SAN JUAN 19:19

Chaipimi Pilatoca shuc quillcashcata cruz jahuapi churarca. Chai quillcashcapica: “Israelcunata Jatun Mandac, Nazaret pueblomanta Jesusmi” nishpami quillcashca carca.

SAN JUAN 15:24

Pi mana ruhuaipaccunata paicunapac ñaupapi ñuca mana ruhuashca cacpica, paicunaca mana juchanchishcachu canman carcacuna. Ashtahuanpish caicunataca ña ricurcacunami. Chashna cashca jahuami ñucatapish, ñuca Taitatapish p'iñancuna.

SAN JUAN 12:17

Lazarota enterrashca jutcumanta c'ayashpa, causachishcata ricuccunaca tucuimanmi parlarcacuna.

SAN JUAN 11:47

Shina huillacpimi curacunata mandac curacunapish, fariseocunapish*f** mandaccunapuralla tandanacurcacuna. Chashna tandanacushpaca: —Chai runataca, ¿imatatac ruhuanchic? Paica pi mana ruhuaipaccunatami taucacunata ruhuacun.

SAN JUAN 10:37

Ñuca Taita imatapish ruhuashca shina ñuca mana ruhuashpa ricuchicpica, cancunaca ama cringuichicchu.

SAN JUAN 9:33

Chai runa mana Diosmanta shamushca cashpaca, imatapish mana ruhuanmanchu— nirca.

SAN JUAN 7:31

Chaipi cac achca gentecuna paita crishpami: —Quishpichic Cristo shamushpaca, ¿cai runa ruhuashcamanta yallichu pi mana ruhuaipaccunataca ruhuanga, imashi?— nircacuna.

SAN JUAN 6:27

Cancunaca ama chingariclla micunata mashcaichicchu. Chaica chingaringallami, ashtahuanpish mana chingaric micunata mashcaichic. Chai micunami huiñai causaitaca cun. Chai micunataca Runa Tucungapac shamushca*f** ñucallami cusha. Chaita cuchunmi Taita Diosca ñucataca cacharca— nirca.

SAN JUAN 6:14

Jesús chai shina pi mana ruhuaipacta ruhuacta gentecuna ricushpaca: —Cai runaca cai pachaman shamuna cashca Diosmanta huillactacmi— nircacuna.

SAN JUAN 5:36

Shina cacpipish ñuca pi cashcata ricuchingapacca, Juan huillashcata yalli ricuchictami charini. Ñucaca ñuca Taita ruhuachun nishcacunallatami ruhuacuni. Chai ruhuashcacunami ñuca Taita cachashcatapish, ñuca pi cashcatapish ricuchin.

SAN JUAN 4:48

Chashna mañacpimi Jesusca: —Pi mana ruhuaipaccunata ruhuacta manarac ricushpaca, ñuca alliyachinataca mana cringuichicchu— nirca.

SAN JUAN 1:45

Felipeca Natanaelta mashcangapac rishpa paihuan tupashpaca: —Moisés mandashcacunapi quillcashpa huillashca, shinallatac ñaupa huillaccuna quillcashcapi huillashca ñucanchic shuyacushca runahuanca ñami tuparcanchic. Paica Nazaret pueblomanta Josepac churi Jesusmi— nirca.

SAN LUCAS 24:18

chai ishcaimanta Cleofas runaca: —Jerusalén pueblopi cai punzhacuna ima tucushcataca, tucuimi yachancuna. ¿Canca chaipi cashca jahuachu mana yachangui?— nirca.

SAN MATEO 2:23

Chaiman chayashpaca, Nazaret pueblopimi causangapac rirca. Diosmanta ñaupa huillaccuna huillashca pactachunmi, chashnaca tucurca. Chai huillashcapimi: “Paica nazareno nishcami canga” nishca carca.

HECHOS 2:19

Jahua pachapica, pi mana ricushcata ricuchishami. Shinallatac cai pachapipish, yahuarta, ninata, cushni p'uyuta ricuchishami.

HECHOS 2:43

Taita Dios imatapish ruhuachicpimi, Jesús acllashca huillaccunaca pi mana ruhuaipaccunatapish, pi mana ricushcacunatapish tauca cutin ruhuarcacuna. Chashna ruhuacta ricushpaca, tucui gentecunami mancharishpa mana amirircacuna.

HECHOS 3:6

Chashna chaparacucpimi Pedroca: —Ñucaca cullquitapish, curitapish mana charinichu. Chashna cashpapish ñuca charishcatami canman cuni. Nazaret pueblomanta Jesucristopac shutipimi, ‘jatarishpa puri’ nini— nirca.

SAN LUCAS 18:37

Chashna tapucpica: “Nazaret pueblomanta Jesusmi shamucun” nishpami huillarcacuna.