HECHOS 18:6 - Nuevo Testamento en Quichua Cañar 1996

⁶ Chashna huillacucpimi, israelcunaca p'iñarishpa, Pablota c'amishpa rimai callarircacuna. Chaimantami Pabloca pai huillashcata mana uyashun nishcamanta churanata chaspirishpaca: —Ñuca huillana cashcataca ña cancunaman huillanimi. Cancuna mana crishpa juchallapitac huañucpica, Taita Diosca ñucataca mana juchanchingachu. Cunanmanta q'uipamanca, mana israelcunamanmi huillashpa purigrini— nirca.

Dios Rimashcata Quillcashcami

⁶ Chashna huillacucpimi, israelcunaca piñarishpa, Pablota camishpa rimai callarirca. Chaimantami Pabloca paipac churanata chaspirishpa: —Cancunapac munaimantami llaquita apanguichic. Diosca ñucataca mana juchanchingachu. Cunanca, mana israelcunamanmi huillangapac rigrini— nirca.

HECHOS 18:6 Referans Kwoze

HECHOS 13:51

Chashna ruhuacpica, mana chasquishun nishcata ricuchingapacmi, chaquipi c'atirishca allpatapish chaspishpa shitashpa, Iconio puebloman rircacuna.

1 PEDRO 4:4

Cunanca paicunahuan pacta imapish mana allicunata ña mana ruhuacpimi, paicunaca “¿imamantatac ña mana ruhuan?” nishpa, cancunataca c'amishpa rimancuna.

SAN LUCAS 9:5

Maijan pueblopi cancunata mana chasquishun nicpica, chaimantaca ringuichiclla. Paicuna llaquita apana cashcata ricuchingapacca, chaquipi c'atirishca allpatapish chaspishpa shitashpa ringuichic— nirca.

SAN MATEO 27:25

Shina nicpi paicunaca: —Ari, pai huañushcaca ñucanchic jahua, ñucanchic huahuacunapac jahuami canga— nircacuna.

1 PEDRO 4:14

Cancunahuanca Diospac sumaimana Espiritumi causacun. Chaimanta Cristota c'aticushcamanta c'amishpa rimacpica, cancunamanca mai cushicuimi canga.

2 TIMOTEO 2:25

P'iñaccunatapish c'uyai shunguhuanmi yachachina can. Chashna yachachicpi Taita Dios paiman cutirina yuyaita cucpi, cashcata nic huillashcata cringapishchari.

ROMANOS 3:29

¿Taita Diosca israelcunapaclla Dioschu? ¿Manachu tucui gentecunapac Dios canga? Ari, shinami can. Taita Diosca tucuipac Diosmi can.

HECHOS 28:28

Caitaca alli yachaichicyari: Mana israelcunamanmi*f** Taita Diosca quishpirinamanta huillachun cachashca. Paicunami uyangacuna— nirca.

HECHOS 26:20

Chashna cazushpami, Damasco pueblopi huillai callarircani. Shinallatac Jerusalén pueblopipish, tucui Judea llactacunapipish, mana israelcunamanpish:*f** ‘Mana alli causacushcata saquishpa, Taita Diosman cutirishpa, allita causaichic’ nishpa huillarcani.

HECHOS 26:11

Mai tandanacuna huasicunapipish yaicushpami, criccunataca japishpa, ña ama c'atichun tauca cutin p'iñashpa llaquichic carcani. Mana Jerusalenllapichu llaquichircani, ashtahuanpish caishuc llactacunapi tiyac pueblocunapipish, paicunata mana ricusha nishpa, llaquichishpami puric carcani.

SAN MATEO 22:10

Chashna cachacpi serviccunaca mai ñancunaman llucshishpa, pipish ricurictami alli cachun, mana alli cachun bodaman c'ayamurcacuna. Chashnami boda huasipica, gentecunaca jundarca.

SAN MATEO 10:14

Mai pueblopi cashpa, mai huasipi cashpa cancunata mana chasquishpa, cancuna huillashcata mana uyashun nicpica, chaimanta llucshishpa, cancunapac chaquipi c'atirishca allpatapish chaillapitac chaspishpa ringuichic.

SAN LUCAS 22:65

Shinallatac Jesustaca munai c'amishpami rimarcacuna.

SAN MATEO 21:43

Chashna cashcamantami Taita Diosca cancunata mandanata saquishpa, caishuc paita cazuccunallata mandanga.

SAN MATEO 8:11

Cancunaman huillanimi: Achcacunami inti llucshicmanta, inti yaicucmanta tucui tandarishpa, ñaupa taita Abrahamhuan, Isaachuan, shinallatac Jacobohuan jahua pacha Taita Dios mandacucpi micungapac tiyaringacuna.

1 TIMOTEO 5:22

Maijanpish Taita Diospacta ruhuachun uma jahuapi churashpa Taita Diosman mañangapacpish, puntaca alli yuyarinami cangui. Pacta juchayuccunaman tucushpa, mana allita ruhuanguiman. Tucui imapish mana allimantaca huacaichiringui.

SAN MATEO 21:41

Shina nicpi paicunaca: —Mana llaquishpami, chai millai runacunataca huañuchinga. Chashna huañuchishpami, allpayucca chagrataca chaupina punzha chayamucpi, chaupishpa cuclla shuctac runacunaman cunga— nircacuna.