HECHOS 17:25 - Nuevo Testamento en Quichua Cañar 1996

²⁵ Paica causaitapish, samaitapish, tucui imatapish cuc Diosmi. Chaimanta gentecuna paita alli nishpa, ima cushcallahuanca mana causanchu.

Dios Rimashcata Quillcashcami

²⁵ Paica causaitapish, samaitapish, tucui imatapish cuc Diosmi. Chaimanta mana gentecunapac ayudata shuyanchu.

HECHOS 17:25 Referans Kwoze

ROMANOS 11:35

Pai cutin cuchunca, ¿pitac imata Taita Diosmanca cushcayari?” ninmi.

HECHOS 17:28

Paimantami causacunchic, puricunchic, imatapish ruhuacunchic. Chashnallatacmi cancunapuramanta maijan yachaccunapish: ‘Ñucanchicpish Diospac huahuacunami canchic’ nishcacuna.

1 TIMOTEO 6:17

Imapish charishcacunaca chingarinallami. Chashna cashcamanta cai pachapi achcata chariccunataca: “Ama jatun tucushpa, charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Taita Diospi shunguta churachun ningui.

HECHOS 14:17

Chashna causacucpipish, Taita Diosca tamiahuan granocunata p'ucuchishpa, mana nicta carashpami ñucanchictaca cushichicun. Chashna allita ruhuashpami, pai ima shina cashcataca ricuchin— nircacuna.

SAN MATEO 9:13

Cancunaca Dios quillcachishcapi nishcataracmi yachana canguichic. Chaipica: ‘Animalcunata rupachishpa ñucaman cunapac randica, shungumanta llaquiccuna cachunmi ñucaca munani’ ninmi. Ñucaca cashcata ruhuaccunataca mana c'ayac shamurcanichu, ashtahuanpish juchayuccunatami Taita Diosman cutirichun c'ayac shamurcani— nirca.

SAN MATEO 5:45

Chashna cashpami, cancunaca jahua pachapi cac Taita Diospac huahuacuna canguichic. Paica allicunaman, mana allicunaman, shinallatac paita cazuccunaman, mana cazuccunamanpish intitapish, tamiatapish cachanllami.