HECHOS 16:35 - Nuevo Testamento en Quichua Cañar 1996

³⁵ Cayandic tutamantami chai pueblota mandaccunaca: “Chai runacunataca cacharishpa cachailla” nishpa huillagrichun, soldadocunataca carcelta cuidacpacman cacharcacuna.

Dios Rimashcata Quillcashcami

³⁵ Cayandi tutamanta, mandaccunaca: “Chai runacunataca cacharishpa cachailla” nishpami soldadocunata carcelta cuidacpacman cacharca.

HECHOS 16:35 Referans Kwoze

HECHOS 5:40

Gamaliel chashna nishcata uyashpami, Jesús acllashca huillaccunataca cutin yaicuchishpa azutichircacuna. Chashna azutichishpaca: “¡Pacta cutin Jesusmanta huillanguichicman!” nishpami cacharcacuna.

HECHOS 4:21

Chashna nicpica, ashtahuan manchachishun nishpami mandaccunaca: —¡Paimantaca pacta piman huillanguichicman!— nircacuna. Pedropish Juanpish chai runata alliyachishcamantami, tucui gentecuna Taita Diosta “allimari cangui” nircacuna. Chaimantami mandaccunaca mana macashpa cacharircacunalla.

SAN LUCAS 12:11

Tandanacuna huasicunamanpish, mandaccunapacmanpish, juezcunapacmanpish cancunata apashpa ricpica: ‘¿Imatatac rimashun?’ nishpa, ama manchailla canguichicchu.

HECHOS 16:34

Ña bautizarishpaca, paipac huasiman pushashpa rishpami, micunata cararca. Paica paipac tucui familiacunandic Taita Diosta crishcamantami, munai cushicurcacuna.

HECHOS 16:36

Chaita huillacpimi, carcelta cuidacca: —Mandaccunami cancunataca cacharichun mandashca. Chaimanta cunanca llucshishpa, cushilla richiclla— nishpa, Pabloman huillarca.

HECHOS 16:38

Chashna nicpi soldadocunaca mandaccunapacman cutishpa huillacpica, Roma llactamanta cashca shinata yachashpami mancharircacuna.