HECHOS 16:15 - Nuevo Testamento en Quichua Cañar 1996

¹⁵ Chaimantami paipac tucui familiandic bautizarishpa: —Apunchic Jesusta ñuca ña cric cashcata yachanguichicmi. Cunanca jacuchic, ñuca huasipi samaringuichic— nirca. Chashna nishpami, ñucanchictaca saquichirca.

Dios Rimashcata Quillcashcami

¹⁵ Chai huarmi paipac tucui familiandi bautizarishpaca: —Apunchic Jesusta ñuca cric cashcata yachashpaca, ñuca huasipi pozaichic— nirca. Chashna nishpami, ñucanchictaca saquichirca.

HECHOS 16:15 Referans Kwoze

HECHOS 11:14

Canpish, cambac huasi familiacunandic ima shina quishpirina cashcataca paimi huillanga’ nishca carca.

HEBREOS 13:2

Maijanpish huasiman chayaccunata cushilla chasquinataca, ama cungaringuichicchu. Chai shina pi cashcata mana yachashpa chasquishpami, maijancunaca angelcunata chasquishcacuna.

HECHOS 16:33

Chai tutallatacmi carcelta cuidacca tuta cacpipish, paicunapac chugricunata ña jahuachishca q'uipaca, paipac tucui familiacunandic bautizarircacuna.

SAN LUCAS 24:29

Chashna risha nicucpimi, paicunaca mana cachashun nishpa: —Caillapi ñucanchichuan saquiri. Ñami chishi, shinallatac tutayamugricunmi— nircacuna. Chashna nicpi Jesusca paicunahuan saquirishpa, pozangapac yaicurcallami.

3 JUAN 1:8

Chaimantami ñucanchic criccunaca paicunata imallahuan ayudashpa, cashcata nic alli huillaita huillanata ayudanacuna canchic.

3 JUAN 1:5

C'uyashca Gayo, criccunaman allita ruhuacushcamantaca allimi cangui. Shinallatac shuctac llactamanta shamuccunamanpish allitami ruhuacungui.

1 PEDRO 5:12

Huauqui Silvanohuan tucushpami, ñucaca cai asha quillcata quillcashpa cachani. Paitaca allita pactachic cric cashcatami yuyani. Caita quillcashpaca, cancuna allicunata chasquishcaca Dios mai c'uyashpa cushcatatac yachachunmi, cunashpa cachani. Chai c'uyaimantaca amatac anchuringuichicchu.

FILEMÓN 1:17

Jesusta crishcamanta shuc shinallami canchic. Chaimanta ñucata chasquic shinallatac, paitaca chasquingui.

FILIPENSES 1:7

Tucui shunguhuan cancunata c'uyashcamantaca, ñuca cashna yuyanaca allillatacmi. Ñucaca prezu cashpapish, mandaccunapac ñaupapi cashpapish pipish ama yangapi churachunmi: “Quishpirinamanta alli huillaica, chaica chashnatacmari” nishpa huillani. Tucui cancunapish Taita Dios cushcamantami, ñuca shina alli huillaita huillacunguichic.

EFESIOS 1:1

Ñucaca Taita Dios munashcamanta Jesús acllashca huillac Pablomi, Efeso pueblopi maijanlla Jesucristota crishpa Taita Diospaclla caccunaman caita quillcani.

GÁLATAS 6:10

Chaimanta imata ruhuanalla cacpica, tucuiman allita ruhuashpa c'atishunlla. Tucuimanta yallica criccunaman allita ruhuashun.

2 CORINTIOS 12:11

Ñuca jatun tucushpaca, yuyai illac shinami tucuni. Cancunamantami chashnaca tucuni. Ñuca yangalla shina cashpapish, cancuna yuyashca shina chai jatun yachacmi nishca huillaccunahuan chimbapuracpica, paicunaca mana ñucamanta yallichu.

2 CORINTIOS 5:14

Cristo tucuimanta huañushcata yachac chayashcamanta pachami, paipac c'uyaica ñucanchicman yuyaita cun. Cristo huañushcamantami tucui mashna huañushca shina canchic.

ROMANOS 16:23

Shinallatac ñucatapish, tandanacushca criccunatapish pozachic Gayopish “allilla cashca cachun” nishpami cachan. Cai pueblopac cullquita tandachic Erastopish, Jesusmanta huauqui Cuartopish “allilla cashca cachun” nishpami cachancuna.

2 JUAN 1:10

Shina cashcamanta maijanpish cancunapac huasiman rishpa Cristo yachachishca shina mana yachachictaca, ama chasquinguichicchu. Chashna llullashpa huillaccunataca “allillachu shamungui” ninallatapish, ama ninguichicchu.

HECHOS 18:8

Tandanacuna huasipi mandac Crispo runapish, paipac tucui familiandicmi Apunchic Jesustaca crircacuna. Chashnallatac Corinto pueblopi causac caishuc gentecunapish, achcacunami quishpirinamanta alli huillaita uyashpaca, crishpa bautizarircacuna.

HECHOS 8:38

Chashna nishpaca, carretata chaillapi shayachishpa ishcaita uricushpami, yacuman yaicurcacuna. Chaipimi Felipeca eunuco runataca bautizarca.

HECHOS 8:12

Chashna cacpipish Apunchic Jesucristo Quishpichic cashcata, shinallatac Taita Dios mandacucmantapish Felipe huillacpica, c'aricunapish, huarmicunapish crishpami bautizarircacuna.

SAN LUCAS 14:23

Chashna nicpi amoca: ‘Shinashpaca mai ñancunatapish purishpa, imallata mañashpa chaipi tiyacuccunacaman pushamushpa, ima shinapish ñuca huasipica jundachi.

SAN MATEO 10:41

Taita Diosmanta huillac runa cacpi, chai huillacta chasquicca, Taita Diosmanta huillac runa chasquina cashcallatatacmi, chai chasquic runapish chasquinga. Cashcata ruhuac runa cacpi, chai cashcata ruhuacta chasquicca, cashcata ruhuac runa chasquina cashcallatatacmi, chai chasquic runapish chasquinga.

SAN MATEO 3:6

Paicunataca juchacunamanta llaquirishpa Taita Diosman huillacpimi, Juanca bautizac carca.

HECHOS 16:31

Chashna tapucpimi paicunaca: —Apunchic Jesucristota cri. Paita crishpami canpish, cambac tucui familiacunapish quishpiringuichic— nircacuna.

HECHOS 16:34

Ña bautizarishpaca, paipac huasiman pushashpa rishpami, micunata cararca. Paica paipac tucui familiacunandic Taita Diosta crishcamantami, munai cushicurcacuna.