HECHOS 16:13 - Nuevo Testamento en Quichua Cañar 1996

¹³ Chaipi cashpami samana punzha*f** chayamucpica, chai pueblomanta llucshishpa, jatun yacu pataman rircanchic. Chai yacu patapimi, Taita Diosman mañangapac israelcunaca*f** tandanacuc cashca carca. Ñucanchicpish chaipi tiyarishpami, chaiman tandanacumuc huarmicunaman yachachircanchic.

Dios Rimashcata Quillcashcami

¹³ Chaipimi samana punzhapi chai pueblomanta llucshishpa, jatun yacu pataman rircanchic. Chai yacu patapimi, israelcunaca Diosta mañangapac tandanacuc cashca carca. Chaipimi, tandanacushca huarmicunaman alli huillaita huillarcanchic.

HECHOS 16:13 Referans Kwoze

HECHOS 13:14

Pabloca Bernabendic Pergemanta llucshishpaca, Pisidia llactapi cac Antioquía pueblomanmi rircacuna. Chaiman chayashpaca, samana punzha*f** cacpimi, israelcuna*f** tandanacuna huasiman yaicushpa tiyarircacuna.

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyacunamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.

GÁLATAS 3:28

Jesucristohuan shuc shinalla tucushcamantaca, tucui mashnami shuc shinalla canguichic. Shina cacpica israel*f** cashpapish, mana israel*f** cashpapish, servic cashpapish, mana servic cashpapish, c'ari cashpapish, huarmi cashpapish mana ima canchu.

HECHOS 21:5

Chai q'uipaca, ñucanchic ña chaimanta rigricpimi, tucui criccuna paicunapac huarmicunandic, huahuacunandic chai pueblomanta llucshishpa, yacu patacaman ñucanchichuan shamurcacuna. Chaipica cungurishpami, Taita Diosman mañarcanchic.

HECHOS 20:7

Semana callari domingo punzhapica, tucui criccunami Jesús huañushcata yuyarishpa, tandata micungapac tandanacurcanchic. Pabloca cayandic ña rina cashcamantami, chaupi tutacaman yachachishpa c'atircalla.

HECHOS 18:4

Pabloca samana punzhacunapica*f** tandanacuna huasiman rishpa, israelcunapish, mana israelcunapish*f** crichunmi, huillashpaca alli yachachic carca.

HECHOS 17:2

Pabloca maipipish tandanacuna huasiman yaicuclla cashpami, quimsa semanata samana punzhacunapica*f** chai huasipi tandanacushca gentecuna ima tapushcatapish cutichishpa yachachirca.

HECHOS 16:6

Pabloca Silasndic Frigia llactata, Galacia llactata rishpa, Asia llactapi alli huillaita huillasha nicucpimi, Diospac Espirituca mana huillachun saquirca.

HECHOS 13:42

Chashna yachachishpa Pablo, paihuan caccunandic tandanacuna huasimanta llucshicucpica, mana israelcunaca:*f** —Cunan shina samana punzhapish, caillamantatac yachachic shamunguichicyari— nircacuna.

SAN JUAN 8:2

Chai cayandic punzha ña pacarimucucpimi, Diosman mañana huasiman cutirca. Chaimanmi gentecunaca chayamurcacuna. Shina chayamucpimi, Jesusca tiyarishpa yachachi callarirca.

SAN LUCAS 13:10

Samana punzhapimi*f** israelcuna*f** tandanacuna huasipi Jesús yachachicurca.

MARCOS 16:15

Shinallatac caitapish paicunataca nircami: —Cancunaca tucui llactacunata rishpa, quishpirinamanta alli huillaita tucui gentecunaman huillagrichic.

SAN MATEO 13:2

Achca gentecuna chaiman tandanacumucpimi, Jesusca shuc canoapi tiyarirca. Chaipica achca gentecunami yacu patapi tiyacurcacuna.

HECHOS 9:20

Chaimanta Sauloca israelcuna*f** tandanacuna huasicunapi yaicushpami: “Jesusca Diospac Churimi” nishpa, huillai callarirca.

HECHOS 16:16

Shuc punzha Taita Diosman mañangapac ñucanchic ricushpaca, ima tucunata yachac supai japishca huarmi huambrahuanmi tuparcanchic. Chai huambraca chashna yachac cashpa imatapish huillacpimi, paipac amocunaca achca cullquita japiccuna carca.