HECHOS 13:8 - Nuevo Testamento en Quichua Cañar 1996

⁸ Paicuna ña huillangapac shamucpica, chai brujoca ama crichunmi chai mandactaca jarcarca. Chai brujollatacmi griego*f** rimaipica Elimas shutipish carca.

Dios Rimashcata Quillcashcami

⁸ Paicuna huillangapac shamucpica, chai brujoca ama crichunmi chai mandactaca jarcarca. Barjesús shutica griego rimaipica Elimas nisha ninmi.

HECHOS 13:8 Referans Kwoze

2 TIMOTEO 3:8

Janes, shinallatac Jambres brujocuna Moisesta jarcac shinami, chai gentecunaca cashcata nic huillanataca jarcancuna. Chaicunaca imapish alli yuyaita mana charishpami, crinatapish saquishpa chingachishcacuna.

HECHOS 13:12

Mandac Sergioca Apunchic Jesusmanta yachachishcata uyashpa, shinallatac chashna tucushcata ricushpacarin, mana amirishpami crirca.

HECHOS 9:36

Jope pueblopica, Tabita shuti cric huarmimi causarca. Tabita shutica, griego*f** rimaipica “Dorcas” nisha ninmi. (Dorcas nishpaca, “taruga” nisha ninmi). Paica mana chariccunata llaquishpa imallatapish cushpa, allita ruhuashpa causac huarmimi carca.

HECHOS 8:9

Chai Samaria pueblopica, shuc brujo Simón runami causarca. Paica chai llactapi causaccunataca, pai imalla ruhuashcacunahuanca “allimi cani” nishpami, crichishpa causac carca.

HECHOS 6:7

Jerusalenpica Diosmanta alli huillaita ashtahuan huillacpimi, achca gentecuna Jesusta crishpaca, achca criccuna tucurcacuna. Shinallatac Israel*f** curacunapish, achcacunami Jesusta crishpa cazurcacuna.

SAN JUAN 1:41

Manarac imata ruhuashpami, Andresca paipac huauqui Simonhuan tupangapac rirca. Shina rishpa ña tupashpaca: —Ñami Mesiashuanca tuparcanchic— nirca. (“Mesías” nishpaca, “Quishpichic Cristo” nisha ninmi).

HECHOS 18:12

Galión runa Acaya llactata mandacui punzhacunapimi, israelcunaca tandanacushpa, Pablota japishpa, chai mandacpacman aparcacuna.

HECHOS 19:38

Demetrio runatapish, paipacta ruhuaccunatapish pi p'iñachicpica, mandaccunapish, juezcunapish chaipacmi tiyan. Chaipi ñahui ñahui imatapish juchanchina cacpica, juchanchinacugrichic.