HECHOS 13:45 - Nuevo Testamento en Quichua Cañar 1996

⁴⁵ Chashna mana israelcunapish achcacuna tandanacushcata israelcuna ricushpami, p'iñarishpa: “Pablo yachachishcaca yangallami” nishpa c'amircacuna.

Dios Rimashcata Quillcashcami

⁴⁵ Chashna taucacuna tandanacushcata israelcuna ricushpami envidiashpa rimarcacuna. Chashnami Pablo yachachishcata yangapi churashpa, camishpa rimarircacuna.

HECHOS 13:45 Referans Kwoze

SAN JUDAS 1:10

Shina cacpipish chai llullashpa yachachiccunaca manapish chashna cacta yachashpa, mana allita rimancunallami. Imata yachashpapish, animalcuna shina yuyai illac cashcamantami, paicunallatac llaqui tucungapac millaita ruhuancuna.

HECHOS 18:6

Chashna huillacucpimi, israelcunaca p'iñarishpa, Pablota c'amishpa rimai callarircacuna. Chaimantami Pabloca pai huillashcata mana uyashun nishcamanta churanata chaspirishpaca: —Ñuca huillana cashcataca ña cancunaman huillanimi. Cancuna mana crishpa juchallapitac huañucpica, Taita Diosca ñucataca mana juchanchingachu. Cunanmanta q'uipamanca, mana israelcunamanmi huillashpa purigrini— nirca.

1 TESALONICENSES 2:16

Mana israelcunapish*f** quishpirichun nishpa ñucanchic huillashun nicpica, israelcunaca jarcanata munancunami. Chashna jarcashcamantami ashtahuan juchayuc tucuncuna. Chaimantami Taita Diosca paicunata p'iñashpa, yalli jatun llaquita paicunamanca ña cachashca.

HECHOS 19:9

“Jesusta crishpa, alli causaichic” nishpa huillacucpipish, maijan rumi shungu gentecunaca chai huillashcata mana cazushpami, tucuipac ñaupapi millaita rimarcacuna. Chaimantami Pabloca tucui criccunandic Tirano runa yachachina huasiman rishpa, punzhanta huillashpa yachachirca.

HECHOS 5:17

Chashna ruhuacta ricushpami, Israel*f** curacunata jatun mandac curapish, paihuan cac saduceocunapurapish:*f** “Ñucanchicpish mana shina ruhuanchicca” nishpa, munai p'iñarircacuna.

1 PEDRO 4:4

Cunanca paicunahuan pacta imapish mana allicunata ña mana ruhuacpimi, paicunaca “¿imamantatac ña mana ruhuan?” nishpa, cancunataca c'amishpa rimancuna.

1 CORINTIOS 3:3

Cancunaca cai pacha jucha munashca shina causacushcamantami, shuccuna ama charichun nishpa munanacunguichic, shinallatac p'iñanacunguichic. Chashna ruhuashpaca, chairac cai pacha jucha munashca shina causacushcamantami ruhuacunguichic.

HECHOS 17:5

Chashna achcacuna crishcata ricushpami, Jesusta mana cric israelcunaca p'iñarishpa, millai runacunata tandachishpa, chai pueblopi causaccunata caparinacuipi churarcacuna. Chashna ruhuashpaca Pablota, Silasta japishpa, tucui gentecunapac ñaupaman apashun nishpami: “Jasonpac huasipimi canga” nishpa, punguta p'aquircacuna.

SAN MATEO 27:18

Jesustaca allita ruhuac cashcamanta p'iñashpa apamushcatami, Pilatoca ña yacharca.

SANTIAGO 4:5

Shina cashcamantami Dios quillcachishcapica: “Ñucanchic shungupi tiyac espirituca, allitapish mana allitapish ruhuana yuyaita cunmi” nicun. Chaitaca, ¿yangalla cashcatachu yuyanguichic?

GÁLATAS 5:21

shuccuna ama charichun nishpa munaccunami, machaccunami, micunallatac munaccunami, shinallatac shuctac chashna laya mana allita ruhuaccunami. Cancunataca utcaman nishca shinallatacmi: “Chashna ruhuaccunaca Dios mandacucpica imata mana charingachu” nishpa, cutinllatac nini.

ROMANOS 1:29

Chashna paicuna millai munaicuna junda cashpami, millaita ruhuancuna. Shinami ashtahuan charinata munancuna, imapish mapacunallata ruhuancuna, shuccuna ama charichun nishpa munancuna, huañuchincuna, p'iñanacuncuna, llullancuna, huashalla rimanacuncuna, shinallatac tucui imapish millaita ruhuancuna.

SAN MATEO 23:13

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunami jahua pacha Taita Dios mandacucman gentecuna yaicunataca, huichcac shina jarcanguichic. Yaicunata munaccunatapish, yaicuchun mana saquinguichic. Shinashpami cancunallatacpish mana yaicunguichic.

HECHOS 13:50

Ashtahuanpish: “Chai runacunata c'atishpa cachashunchic” nishpami, israelcunaca gentecunapac alli nishca, Diosta yuyaric huarmicunatapish, shinallatac chai pueblota mandaccunatapish cunarcacuna. Chaimantaca Pablotapish, Bernabetapish llaquichishpami, chai llactamantaca llucchishpa cacharcacuna.

HECHOS 14:2

Ashtahuanpish Jesusta mana cric israelcunaca criccunahuan ama apanacuchunmi, mana israelcunaman panda yuyaita curcacuna.

HECHOS 14:4

Chashna cacpimi, chai pueblopi causaccunaca maijancunaca israelcunapura, maijancunaca Jesús acllashca huillaccunapura tucushpa chaupirircacuna.

HECHOS 14:5

Chashna tucushpaca israelcunapish, mana israelcunapish mandaccunahuan tandanacushpami: “Paicunataca c'amishpa, rumicunahuan shitashun” ninacurcacuna.

HECHOS 14:19

Antioquía pueblomantapish, Iconio pueblomantapish maijan israelcuna*f** shamushpaca, gentecunata jatarichishpami, Pablotaca rumicunahuan shitashpa, huañunalla tucungacaman macarcacuna. Chaimantaca: “Ñami huañun” nishpa, siricta aisashpa, chai pueblomanta llucchircacuna.

2 CORINTIOS 11:26

Tauca cutinmi ñucaca ñancunapipish, yacupipish huañuna manchai, shuhuana manchai, ñuca llacta gentecunamantapish, caru llacta gentecunamantapish manchai carcani. Shinallatac pueblocunapipish, shitashca pambacunapipish, mama cuchapipish manchaimi carcani. “Criccunami canchic” nishpa, llullashpa puriccunamantapish manchaimi purircani.

2 TIMOTEO 3:11

llaquita apashpa cushicuc cashcatapish yachanguimi. Antioquía pueblopi, Iconio pueblopi, shinallatac Listra pueblopi ñucata p'iñashpa llaquichishcata yachanguimi. Chashna llaquichicpipish, Apunchic Jesusllatacmi tucui chaicunamantaca huacaichirca.