HECHOS 13:41 - Nuevo Testamento en Quichua Cañar 1996

⁴¹ ‘Uyaichic, ñuca ima nishcata mana cazushpa burlaccuna. Mancharishpa, maipi miticuichic. Cancuna causacuc punzhacunapica, mancharinacunatami ruhuasha. Chaita pi huillacpipish, mana cringuichicchu’ nishcami— nirca.

Dios Rimashcata Quillcashcami

⁴¹ “Ñuca ima nishcata mana cazushpa burlaccunalla, mancharishpa miticuichic. Chaica, cancuna causacuc punzhacunapica, mancharinacunatami ruhuasha. Chaita pi huillacpipish, mana cringuichicchu” nishcami— nirca.

HECHOS 13:41 Referans Kwoze

1 PEDRO 4:17

Taita Dios taripana punzhaca ñami chayamucun. Chaipica paipac huahuacunataracmi Taita Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?

1 TESALONICENSES 2:16

Mana israelcunapish*f** quishpirichun nishpa ñucanchic huillashun nicpica, israelcunaca jarcanata munancunami. Chashna jarcashcamantami ashtahuan juchayuc tucuncuna. Chaimantami Taita Diosca paicunata p'iñashpa, yalli jatun llaquita paicunamanca ña cachashca.

HECHOS 13:47

Mandac Diosca ñucanchicta mandashpaca: ‘Mana israelcunaman luz shina achicyachichunmi, cantaca churarcani. Tucui cai pachapi causaccunapish can huillashcamanta quishpirichunmi, chashna churarcani’ nishcami— nircacuna.

HECHOS 22:21

Ñuca chashna nicpica, Apunchic Jesusca: ‘Rilla. Ñucami cantaca caru llactacunapi causac mana israelcunapacman*f** cachagrini’— nirca.

SAN LUCAS 16:14

Chashna nicta uyashpaca, cullquita charina yuyailla cac fariseocunaca*f** Jesusta asircacunami.

HECHOS 3:23

Pipish chai huillacta mana cazuctaca, israelcunapuramanta llucchishpa shitashcami canga’ nishcami.

HECHOS 6:14

‘Nazaret pueblomanta Jesusca Diosman mañana huasita urmachingami. Moisés ñucanchicta yachachishcatapish chingachishpa, shuc layatami yachachinga’ nictami uyarcanchic— nircacuna.

SAN LUCAS 23:35

Tucui chaipi cac gentecunami Jesustaca chaparacurcacuna. Mandaccunapish burlashpami: —Paica shuccunata quishpichic cashca jahuachu, paillatacca mana quishpirin. Taita Dios cachashca Quishpichic Cristo cashpaca, paillatac quishpirinmanmi— nircacuna.