HECHOS 13:10 - Nuevo Testamento en Quichua Cañar 1996

¹⁰ —Canca diablopac huahua cashpami, tucui mana allillata ruhuashpa allitaca p'iñashpa, llullashpalla causangui. Mandac Dios munashca shina alli causasha nicuccunataca, ¿maicamantac pandachicungui?

Dios Rimashcata Quillcashcami

¹⁰ —¡Canca Diablopac huahuami cangui! ¡Canca cashcata ruhuanata saquishpami, mana allillata ruhuashpa causangui! ¿Ima horacamantac Mandac Dios munashca shina, alli causasha nicuccunataca pandachingui?

HECHOS 13:10 Referans Kwoze

SAN JUAN 8:44

Cancunapac taitaca diablomi. Cancunaca pai shinami canguichic. Pai shina cashpami, pai munashcata ruhuashun ninguichic. Callarimanta pachami diabloca huañuchic cashca. Paica imapish cashcata ruhuana munaitaca jaicapi mana charishcachu. Shina cashpami, paica cai pachapipish llullacunlla. Paica llullanata callarichic cashcamantami, llullapac taitaca can. Pai llullashpaca, pai ima shina cashca shinallatacmi llullan.

GÁLATAS 1:7

Quishpirina alli huillaimanta ashtahuan shuctac alli huillaica mana tiyanchu. Ashtahuanpish cancunataca pandachingaraicullami, maijancunaca Cristomanta alli huillaitaca shuctac layaman yachachishun nincuna.

2 CORINTIOS 11:3

Shina cashpapish ima shinami culebra paipac yachac tucushca cashcahuan Eva huarmita umashpa crichirca, chashnallatac cancunamantapish Cristota tucui shunguhuan c'atina yuyaicunata anchuchishpa, chingachinatami manchani.

SAN MATEO 13:38

Tarpuna allpa shinaca, cai pachapi causac gentecunami. Alli muyu shinaca, Taita Dios mandacucpi causaccunami. Shinallatac mana alli q'uihua shinaca, diablo mandashca causaccunami.

1 JUAN 3:8

Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.

SAN LUCAS 11:52

¡Aij, imachari tucunguichic, mandashcacunata yachachiccunalla! Cancunami Diosmanta yachana yuyaitaca huichcac shina jarcanguichic. Cancunapish mana yachanata munanguichicchu. Shinallatac shuccuna yachachunpish, mana saquinguichicchu— nirca.

2 PEDRO 2:15

Paicunaca cashcata ruhuashpa causanata saquishpami, pandarishpa puricuncuna. Chashna ruhuashpaca, Bosorpac churi ñaupa huillac Balaam ruhuashca shinami ruhuancuna. Balaamca millaita ruhuashpallami, cullquita japinata munac carca.

HECHOS 20:30

Cancunapurallamantatacmi maijancunaca: ‘Ñucata c'atichic’ nishpa, criccunamanca llullashpa huillangacuna.

SAN MATEO 23:13

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunami jahua pacha Taita Dios mandacucman gentecuna yaicunataca, huichcac shina jarcanguichic. Yaicunata munaccunatapish, yaicuchun mana saquinguichic. Shinashpami cancunallatacpish mana yaicunguichic.

SAN MATEO 15:19

Shungu ucumanta millai yuyaicuna llucshicpimi huañuchincuna, cazarashca jahua shuc-huan huacllirinacuncuna, manarac cazarashca cashpapish huacllirinacuncuna, shuhuancuna, llullancuna, shinallatac imapish mana alli rimaicunata rimancuna.

SAN MATEO 3:7

Shina bautizacucpimi, achca fariseocunapish,*f** saduceocunapish*f** bautizarisha nishpa shamurca. Shina shamucta ricushpami, Juanca: —¡Culebra shina millai gentecuna! Taita Dios p'iñarishpa ima mundota ñalla llaquichigricushcamanta cancuna quishpirichunca, ¿pitac huillarcayari?

SAN JUAN 1:23

Shina nicpi Juanca: —Ñaupa huillac Isaías huillashca shina, ‘Quishpichic shamuna ñanta derechaichic’ nishpa, shitashca pambapi caparicuc shinami cani— nirca.

SAN LUCAS 11:39

Chaimantami Apunchic Jesusca cashna nirca: —Cancuna fariseocunaca vasota, platota jahuallatami jahuanguichic, ashtahuanpish cancunapac shungu ucutaca shuhuana yuyai, imapish mana allita ruhuana yuyaicunallami junda canguichic.

EFESIOS 4:14

Shina cashpami ñucanchicca huahuacuna imatapish jahualla cric shina, chai pandachishpa puric, yachac tucushca gentecuna yachachishcata c'atishpa, huaira apashca shinaca ña mana cashun.