HECHOS 12:5 - Nuevo Testamento en Quichua Cañar 1996

⁵ Chaimantami Pedrotaca carcelpi alli cuidaracurcacuna. Chashna cuidacucpipish, criccunaca Taita Diosman Pedromanta mañanataca manatac saquircacunachu.

Dios Rimashcata Quillcashcami

⁵ Chaimantami Pedrotaca carcelpi alli cuidaracurca. Ashtahuanpish tandanacushca criccunaca Pedromanta Diosta mañanataca manatac saquircachu.

HECHOS 12:5 Referans Kwoze

1 CORINTIOS 12:26

Cuerpopi shuc parte llaqui tucucpica, caishuc partecunapish llaquirincunami. Shinallatac shuc parte allita japicpica, tucui partemi cushicuncuna.

SANTIAGO 5:16

Chaimanta alliyashca cangapacca, ima mana allita ruhuashcacunatapish caishuc chaishuc ama pacashpa huillanacuichic. Taita Dios alliyachichunpish, caishuc chaishucmanta Diosman mañaichic. Taita Diosman cashcata ruhuac mañacpica, imatapish pactachingallami.

1 TESALONICENSES 5:17

Taita Diosman mañanataca ama saquichicchu.

2 CORINTIOS 1:11

Cancuna Taita Diosman mañashpa ayudacpimi, ñucanchictaca huacaichishpa c'atinga. Achcacuna ñucanchicmanta mañacpica, achcacunami Taita Dios allicunata ñucanchicman cushcamantaca paita alli ningacuna.

SAN MATEO 18:19

Caitapish ninimi: Maijan cancunamanta ishcai tucushpa, shuc yuyailla Taita Diosman cai pachapi imata ruhuachun mañacpica, jahua pachapi cac ñuca Taitaca ruhuangallami.

HEBREOS 13:3

Cancunapish carcelpi cashca shinallatac, carcelpi caccunataca yuyarichic. Shinallatac llaquihuan caccunata, cancunapish llaquihuan cashca shinallatac yuyaichic.

HECHOS 12:12

Pedro chashna yuyaita japishca q'uipaca, Marcos nishca Juanpac mama Mariapac huasimanmi rirca. Chai huasipica achca criccunami tandanacushpa, Taita Diosman mañacushca carca.

SAN LUCAS 18:1

Taita Diosman mana q'uillacushpa mañacunalla cashcamantami, Jesusca yuyaita japichun chimbapurashpa, cashna parlarca:

HECHOS 12:4

Herodesca Pedrota japichishpaca, carcelpimi churachirca. Shinallatac chunga sucta soldadocunataca, chuscu chuscu chullayanacushpa cuidachunmi churarca. Pedrotaca gentecuna huañuchilla nichunmi, pascua*f** punzhacuna q'uipaca tucuipac ñaupaman llucchinata yuyarca.

HECHOS 12:6

Mandac Herodesca: “Cayami llucchishpa, gentecunapac ñaupapi ricuchigrisha” nicui tutami, Pedroca ishcai cadenacunahuan huatashca, ishcai soldadocunapac chaupipi suiñucurca. Caishuc soldadocunaca cárcel pungupimi cuidacurcacuna.