HECHOS 12:4 - Nuevo Testamento en Quichua Cañar 1996

⁴ Herodesca Pedrota japichishpaca, carcelpimi churachirca. Shinallatac chunga sucta soldadocunataca, chuscu chuscu chullayanacushpa cuidachunmi churarca. Pedrotaca gentecuna huañuchilla nichunmi, pascua*f** punzhacuna q'uipaca tucuipac ñaupaman llucchinata yuyarca.

Dios Rimashcata Quillcashcami

⁴ Chaimantami Pedrota carcelpi churashpa, chunga sucta soldadocunata, chuscu chuscu chullayanacushpa cuidachun churarca. Pedrotaca Pascua punzhacuna quipa, tucui gentecunapac ñaupaman llucchishpa juchanchinatami yuyarca.

HECHOS 12:4 Referans Kwoze

SAN LUCAS 22:33

Jesús chashna nicpi Pedroca: —Apunchic Jesús, canta carcelpi churacpipish, canhuanmi casha. Shinallatac huañuna cacpipish, canhuanmi huañusha— nirca.

SAN LUCAS 21:12

Manarac chashna tucucpimi, cancuna ñucata c'aticushcamantaca p'iñashpa, mana ricunachishpa japingacuna. Cancunataca juchanchishpami, tandanacuna huasicunaman tapungapac apangacuna. Carcelpipish churangacunami. Shinallatac llactacunata jatun mandaccunapacmanpish, quiquin llactata mandaccunapacmanpish apangacunami.

HECHOS 4:28

Chashna ruhuashpaca, can ñaupaman alli yachashpa, chashna tucuchun nishcatami paicunaca pactachircacuna.

HECHOS 4:3

Chaimantami paicunata japishpa, ña chishi cashcamanta cayandic tutamantacaman carcelpi churarcacuna.

SAN JUAN 21:18

Huambrarac cashpaca, canllatacmi chumbillirishpa maiman risha nishpapish ric carcangui. Shina cacpipish yuyac cacpica, rigrata chutacpimi, cantaca shuc chumbillichinga, shinallatac can mana risha nishcamanmi pushanga. Chaica chashnatacmi canga— nirca.

SAN MATEO 26:5

Chashna yuyarishpapish paicunaca: —Cai fiesta punzhacunapica mana japishpa, casilla saquishunlla, pacta tucui gentecuna jatarishpa ñucanchictarac imata ruhuanman— ninacurcacuna.

SAN MATEO 24:9

Chai punzhacunapimi cancunata llaquichishpa huañuchichun japichingacuna. Ñucata c'aticushcamantaca, tucuimi cancunataca p'iñangacuna.

HECHOS 8:3

Ashtahuanpish Sauloca tandanacushca criccunata ima shinapish chingachinata yuyashpami, huasi huasi yaicushpa c'aricuna cachun, huarmicuna cachun, carcelman cachac carca.

HECHOS 5:18

Chashna p'iñarishpaca, Jesús acllashca huillaccunataca japishpa, carcelpimi churachircacuna.

SAN JUAN 19:23

Ña cruzpi chacatashca q'uipaca, soldadocunaca Jesuspac churanacunataca chaupishpami chuscupura japinacurca. Jesuspac ucu churanaca mana sirashca, shuclla cashcamantami

MARCOS 14:1

Levadura illac tandata micuna, pascua*f** punzha chayamungapac ishcai punzha tiyacpiracmi, curacunata mandac curacunapish, mandashcacunata yachachiccunapish: —¿Ima shinatac pacalla Jesustaca japishpa huañuchinchic?— nishpa yuyaricurcacuna.

HECHOS 12:3

Chashna ruhuacta ricushpa, Jesusta mana cric israelcuna*f** allimi nicpica, Pedrotapish japichircami. Chai punzhacunaca, levadura illaclla tandata micuna punzhacunami carca.

HECHOS 12:5

Chaimantami Pedrotaca carcelpi alli cuidaracurcacuna. Chashna cuidacucpipish, criccunaca Taita Diosman Pedromanta mañanataca manatac saquircacunachu.