HECHOS 12:25 - Nuevo Testamento en Quichua Cañar 1996

²⁵ Bernabepish, Saulopish paicunaman mingashpa cachashcata cushpaca, Jerusalenmanta Marcos nishca Juantapish pushashpami, cutinllatac Antioquía puebloman cutircacuna.

Dios Rimashcata Quillcashcami

²⁵ Bernabepish, Saulopish paicuna ruhuana cashcata tucuchishpami, Jerusalenmanta Marcos nishca Juanta pushashpa, cutinllatac Antioquía puebloman cutircacuna.

HECHOS 12:25 Referans Kwoze

HECHOS 12:12

Pedro chashna yuyaita japishca q'uipaca, Marcos nishca Juanpac mama Mariapac huasimanmi rirca. Chai huasipica achca criccunami tandanacushpa, Taita Diosman mañacushca carca.

1 PEDRO 5:13

Babilonia pueblopi tandanacushca criccunataca, cancunata shinallatacmi Taita Diosca acllarca. Paicunapish, shinallatac ñuca huahua shina Marcospish “allilla cashca cachun” nishpami cachancuna.

HECHOS 15:37

Shina nicpi Bernabeca: —Marcos nishca Juanta pushashun— nirca.

HECHOS 4:36

Chipre llactamanta curacunata ayudac levita José runapish, criccunahuanmi carca. Paitaca Jesús acllashca huillaccunaca Bernabetami shutichircacuna. Bernabé shutica: “Cushichic runa” nisha ninmi.

HECHOS 15:35

Shinallatac Pabloca Bernabendic chai Antioquía pueblollapitac saquirishpami, Apunchic Jesusmanta alli huillaitaca taucacunahuan huillarcacuna.

COLOSENSES 4:10

Ñucahuan pacta carcelpi tiyacuc Aristarcopish, Bernabepac primo Marcospish “allilla cashca cachun” nishpami cachancuna. Marcos cancunapacman chayacpica, alli chasquina cashcataca ñami huillarcani. Chaimanta pai chayacpica, alli chasquinguichic.

2 TIMOTEO 4:11

Lucas runallami ñucahuan caipi saquirca. Chaimanta Marcos runata mashcashpa pushamui. Paica ima ruhuanapipish ñucataca ayudangami.

FILEMÓN 1:24

Ñucahuan Diospacta ruhuac Marcospish, Aristarcopish, Demaspish, shinallatac Lucaspish “allilla cashca cachun” nishpami cachancuna.