HECHOS 10:45 - Nuevo Testamento en Quichua Cañar 1996

⁴⁵ Pedrohuan shamuc Jesusta cric israelcunaca,*f** Taita Diosca paipac Espirituta mana israelcunamanpish*f** cushcata ricushpami mancharircacuna.

Dios Rimashcata Quillcashcami

⁴⁵ Pedrohuan shamuc Jesusta cric israelcunaca, Diospac Espíritu mana israelcunapacmanpish shamushcata ricushpami mancharircacuna.

HECHOS 10:45 Referans Kwoze

HECHOS 10:23

Shina nicpi, Pedroca pai pozacuc huasillapitacmi paicunata chai tutaca pacarichirca. Ña cayandic punzha Pedro paicunahuan ricucpica, Jope pueblopi causac maijan criccunapish rircacunami.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Taita Diosca cancunapac juchacunata perdonanga, shinallatac paipac Espiritutapish cancunamanca cunga.

EFESIOS 2:11

Cancuna mana israelcunataca*f** mana circuncisionta*f** ruhuashcamantami, israelcunaca ñaupaca “mana circuncisionta ruhuashcacuna” nishpa c'ayaccuna cashcata yuyarichic. Chai israelcunaca “circuncisionta ruhuaccunami canchic” nishpami, gentecuna yuyashca shinallatac ruhuancuna.

GÁLATAS 2:15

Ñucanchicca huacharishcamanta pachami israelcuna*f** canchic. Mana israelcuna*f** shina juchayucmi nishcaca mana canchicchu.

HECHOS 2:33

Taita Dios Jesusta causachishpaca, jahua pachapi paipac alli maquimanmi tiyachirca. Chashnallatac Taita Diosca pai cusha nishca paipac Espirituta Jesusman cucpimi, paica ñucanchicman cachashca. Chaitami cunan cancunaca ricucunguichic, uyacunguichic.

HECHOS 11:3

Paicunaca: —¿Ima nishpatac canca chai manapish circuncisionta ruhuaccunapac huasiman rishpa, paicunahuan micurcangui?— nishpa rimarcacuna.

HECHOS 11:2

Chaimanta Jerusalenman Pedro cuticpica, circuncisionta*f** ruhuac criccunaca paita rimarcacuna.

ROMANOS 5:5

Taita Diosca paipac Espirituta cushpami, ñucanchic shungupica yallita c'uyaita churashca. Chaimanta mana yangamantachu shuyacunchic.