HECHOS 10:15 - Nuevo Testamento en Quichua Cañar 1996

¹⁵ Shina nicpi cutin rimashpaca: —Dios micunallami nishcataca mana micunachu nishpaca, ama nichu— nishcami uyarirca.

Dios Rimashcata Quillcashcami

¹⁵ Shina nicpi, cutin rimashca uyarishpaca: —Dios chuyayachishcataca, ama mapami nichu— nirca.

HECHOS 10:15 Referans Kwoze

1 CORINTIOS 10:25

Aicha c'atuccunapacman rishpa randishpaca, ama caita chaita yuyashpa, tucui randishcata micuichiclla.

SAN MATEO 15:11

—Imapish shimita yaicucca mana juchayucta ruhuanchu, ashtahuanpish shungu ucumanta llucshishca, imapish mana alli rimaicunami, gentecunataca juchayucta ruhuan— nirca.

TITO 1:15

Cashcata nic huillashcata criccunapacca, tucuimi alli. Shina cacpipish cashcata nic huillashcata mana crishpa millaita ruhuaccunapacca, imapish mana allichu. Paicunapac yuyaipish, paicunapac yuyashca shina imata ruhuashcapish mana allichu.

MARCOS 7:19

Imapish shimita yaicucca shunguman mana yaicushpami, huicsallaman yaicun. Q'uipamanca llucshinllami— nirca. Chashna nishpaca, ima micunatapish micunallami nishpami, Jesusca yachachirca.

ROMANOS 14:14

Imapish paillatac mana allica mana tiyanchu. Ñucaca Apunchic Jesusta cric cashcamantaca, chaitaca allimi yachani. Ashtahuanpish maijan ima mana alli canata yuyacpica, paimanmi mana alli canga.

HECHOS 10:28

Chaipimi Pedroca: —Israelcunaca mana israelcunahuanca*f** mana tandanacunalla cashcataca, cancunallatac yachanguichicmi. Paicunapac huasillamanpish mana chayarina cashcataca yachanguichicmi. Ashtahuanpish Taita Dios ñucaman ricuchishpaca: ‘Pitapish mana alli nishpaca, ama millanguichu’ nircami.

HECHOS 11:9

Ñuca chashna nicpi, jahua pachamanta cutin rimashpaca: ‘Dios micunallami nishcataca, mana micunachu nishpaca, ama nichu’ nishcami uyarirca.

ROMANOS 14:20

Taita Dios imata ruhuasha nicushcataca ama micushcallamanta chingachichu. Imapish micunaca micunallami, ashtahuanpish can micucta ricushpa shuctac criccuna juchapi urmaipac cacpica, ama micuichu.

HECHOS 15:20

Chashna ninapac randica, paicunamanca: ‘Ruhuashcalla dioscunaman ima cushcatapish, yahuartapish, sipishpa huañuchishca aichatapish ama micunguichicchu, shinallatac ama huaclliringuichicchu’ nishpa, quillcashpa cachashunchic.

HECHOS 15:9

Paicuna crishcallamantami shungumanta juchacunata anchuchishpa ñucanchicpish, paicunapish chashnallatac cashcata ricuchirca.

HECHOS 15:29

Ruhuashcalla dioscunaman cushcacunatapish, yahuartapish, sipishpa huañuchishca aichatapish ama micunguichicchu, shinallatac ama huaclliringuichicchu. Cai nishcacunata cazushpaca, allitami ruhuanguichic. Allilla cashca cachun” nishpami quillcarcacuna.

APOCALIPSIS 14:20

Chai uvascunataca pueblomanta canzhamanmi capishca carca. Chai uvascuna huacaichinamantaca yahuarmi quimsa pasac kilometrocaman rishpa, caballopac shimi shinacaman jundarca.

HECHOS 10:16

Chai jatun lienso ña quimsa cutin ricurishpaca, jahua pachaman apacpi chingarircallami.