HECHOS 1:5 - Nuevo Testamento en Quichua Cañar 1996

⁵ Juanca yacullahuanmi bautizarca, ashtahuanpish asha punzhacuna q'uipaca, Taita Diosca paipac Espirituhuanmi cancunataca bautizanga— nishpami mandarca.

Dios Rimashcata Quillcashcami

⁵ Juanca yacullahuanmi bautizarca, ashtahuanpish asha punzhacuna quipaca, Diospac Espirituhuanmi bautizashca canguichic— nirca.

HECHOS 1:5 Referans Kwoze

SAN MATEO 3:11

Cancunataca ñucaca Taita Diosman cutirichun nishpallami, yacuhuan bautizacuni, ashtahuanpish ñucapac q'uipa shamucmi, Diospac Espirituhuan shinallatac ninahuan cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushutallatapish mana apaipacchu cani.

SAN LUCAS 3:16

Chashna nicucpimi, Juanca tucui chaipi caccunataca: —Ñucaca cancunataca yacullahuanmi bautizani, ashtahuanpish ñucapac q'uipa shamucmi Diospac Espirituhuanpish, shinallatac ninahuanpish cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushuta huatashcallatapish mana pascaipacmi cani.

1 CORINTIOS 12:13

Chashna shuclla cuerpo tucungapacmi, tucui ñucanchicca israel*f** cashpa, mana israel cashpa, amopacta ruhuac cashpa, mana amopacta ruhuac cashpapish, Taita Diospac shuclla Espirituhuan bautizarishca canchic. Shinallatac Taita Diosca chai Espiritullatatacmi yacuta ubiachic shina, ñucanchicmanca curca.

TITO 3:5

ñucanchicta quishpichirca. Mana ñucanchic ima allita ruhuashcamantachu quishpichirca, ashtahuanpish ñucanchicta llaquishcallamantami quishpichirca. Taita Diosca paipac Espirituhuan tucui juchacunamanta chuyayachishpami, mushuc causaita curca.

MARCOS 1:8

Ñucaca cancunataca yacullahuanmi bautizani, ashtahuanpish ñucapac q'uipa shamucca, Diospac Espirituhuanmi cancunataca bautizanga— nirca.

HECHOS 19:4

Shina nicpimi, Pabloca paicunataca: —Taita Diosman cutiriccunatami Juanca: ‘Ñucapac q'uipa shamucta cringuichic’ nishpa bautizarca. Chai q'uipa shamucca Quishpichic Jesucristomi— nirca.

HECHOS 10:45

Pedrohuan shamuc Jesusta cric israelcunaca,*f** Taita Diosca paipac Espirituta mana israelcunamanpish*f** cushcata ricushpami mancharircacuna.

SAN JUAN 1:31

Ñucallatacpish chai shamucca pai cashcataca mana yacharcanichu. Shina cashpapish israelcuna*f** utca pai shamuna cashcata yachachunmi, yacuhuan bautizacurcani— nirca.

SAN MATEO 3:6

Paicunataca juchacunamanta llaquirishpa Taita Diosman huillacpimi, Juanca bautizac carca.

SAN JUAN 1:26

Shina nicpi Juanca: —Ñucaca yacullahuanmi bautizacuni, ashtahuanpish cancunapurapimi cancunapish mana ricsishca shuc runa tiyan.

SAN JUAN 1:33

Chashna ricushpapish, chai shamucca pai cashcataca mana yacharcanichu. Ashtahuanpish yacuhuan bautizachun ñucata cachac Taita Diosmi: ‘Maijanpimi ñuca Espíritu shamushpa tiyaricta ricungui, chaimi ñuca Espirituhuanca bautizanga’ nirca.