HEBREOS 9:19 - Nuevo Testamento en Quichua Cañar 1996

¹⁹ Moisesmi tucui israelcunaman*f** Dios mandashcataca huillarca. Chai q'uipaca puca millmatapish, hisopo ramatapish, bizicunapac yahuarhuan, chivocunapac yahuarhuan, yacuhuanpish chapushpami, jucuchishpa Taita Dios mandashca quillcapi, tucui israelcunapac jahuapipish chiraparca.

Dios Rimashcata Quillcashcami

¹⁹ Moisesmi israelcunaman Dios mandashcataca huillarca. Chaimantami puca millmatapish, hisopo ramatapish, becicunapac, chivocunapac yahuarhuan, yacuhuan chapushpa, jucuchishpa Dios mandashca quillcapi, tucui israelcunapac jahuapi chiraparca.

HEBREOS 9:19 Referans Kwoze

HEBREOS 9:12

Jesucristoca ña mana chivocunapac, bizicunapac yahuarta Taita Diosman cungapacchu Diospaclla ch'icanyachishca ucuman yaicushca, ashtahuanpish paipac quiquin yahuarta Taita Diosman cushpami, ñucanchicta huiñai huiñaicaman juchapi huatashca shinamanta cacharichingapac shuc cutinlla yaicurca.

HEBREOS 10:4

Huagracunapac yahuarpish, chivocunapac yahuarpish juchacunataca mana anchuchi pudinchu.

1 PEDRO 1:2

Cancunataca Taita Diosmi ña ñaupamanta pacha pai munashca shina paipac huahuacuna cachun acllashca. Taita Diosca paita c'uyashpa causachun, shinallatac Jesucristopac yahuarhuan chuyayachishca cachunmi, cancunata paipac Espiritumanta paipacllatac ruhuashca. Taita Dios mai c'uyashpa, cancunaman sumac causaita yallita cushca cachun ninimi.

SAN JUAN 19:5

Chashnami Jesusca casha coronata umapi churashca, shinallatac morado churanatapish p'achallishca llucshimurca. Chashna llucshimucpimi Pilatoca: —Caipimi chai runaca— nirca.

SAN JUAN 19:2

Soldadocunaca “mandacmi cangui” nic tucushpalla, casha angumanta ahuashpa shuc coronata umapi churachishpa, morado churanatapish Jesusmanca p'achallichirca.

MARCOS 15:20

Chashna pucllashpa asishca q'uipami, morado liensota surcuchishpa, paipac churanallatatac cutin churachishpa, Jesustaca cruzpi chacatangapac apashpa rircacuna.

MARCOS 15:17

Chaipimi soldadocunaca burlata ruhuangapac, mandaccuna churarina morado churanata Jesusman p'achallichishpa, shinallatac cashayuc sacha angutapish ahuashpa, coronapac randica umapi churachircacuna.

SAN MATEO 27:28

Chaipimi soldadocunaca Jesuspac churanata surcuchishpa, amsa puca churanata p'achallichirca.

HEBREOS 12:24

Mushuc ari ninacuita pactachic Jesuspacman, shinallatac pai ñucanchicmanta jichashca yahuarmanmi chayarcanguichic. Chai yahuarmi Abelpac yahuarta atishpa, Dios ruhuasha nishcata ashtahuan allita ricuchin.

HEBREOS 1:1

Ñaupa huatacunapica ñucanchic taitacunamanca, tauca cutinmi ima shinapish paimanta huillaccunata cachashpa, Taita Diosca huillachirca.

HEBREOS 9:13

Huagracunapac yahuarpish, chivocunapac yahuarpish, altarpi bizita rupachishca uchupapish millaita ruhuacpac jahuapi shiguacpica, jahuallata chuyayachishpa, Diospacllata ruhuanmi.

HEBREOS 9:18

Chaimanta ñaupa ari ninacushcapish, animalcunapac yahuarta jichashpami callarishca.

HEBREOS 10:22

Chaimantami mana caita chaita yuyashpa, tucui shunguhuan crishpa, ñucanchic shungupi millai yuyaicuna tiyashcatapish anchuchishca, shinallatac chuya yacuhuan chuyayachishca, Taita Diosman cuchuyana canchic.