HEBREOS 8:2 - Nuevo Testamento en Quichua Cañar 1996

² Paica cura shinami, Diospaclla cac huasipi curacuna ruhuana cashcata ruhuacun. Chai huasica mana gentecuna ruhuashca shinallachu, ashtahuanpish Mandac Diosllatac ruhuashcami can.

Dios Rimashcata Quillcashcami

² Paica, Diospaclla cac huasipimi curacuna shina servicun. Chai huasica mana gentecunachu ruhuashca ashtahuanpish Mandac Diosllatac ruhuashcami can.

HEBREOS 8:2 Referans Kwoze

2 CORINTIOS 5:1

Ñucanchicca chingariclla cai pachapi tiyac carpa huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasi shina cuerpota charishcatami yachanchic. Chai huasica jahua pachapimi, Taita Dios allichishca tiyacun.

ROMANOS 15:8

Ñaupa taitacunaman cusha nishcata pactachingapac, shinallatac Dios imatapish pactachic cashcata ricuchunmi, israelcunata*f** servingapac Cristoca shamurca.

HEBREOS 11:10

Ashtahuanpish Abrahamca maita mana chingaripac puebloman yaicusha nishpa shuyarca. Chai pueblotaca Diosllatacmi alli yuyarishpa shayachirca.

HEBREOS 10:21

Taita Diospaclla huasipica, Apunchic Jesucristomi ñucanchicpac jatun mandac cura can.

COLOSENSES 2:11

Cancunaca Jesucristohuan shuc shinalla tucushcamantaca, mana gentecunalla circuncisionta*f** ruhuashca shinachu canguichic, ashtahuanpish cai pacha jucha munashcata mana ruhuangapacmi, Cristota crishcamanta circuncisionta ruhuashca shina canguichic.

SAN LUCAS 24:44

Ña micushca q'uipami, Jesusca paicunataca: —Ñuca manarac llaquita apashpami, ima tucuna cashcataca cancunaman huillacurcani. Moisés mandashcacunapipish, Diosmanta ñaupa huillaccuna quillcashcacunapipish, Salmocunapipish ñucamanta tucui imalla nishcacuna pactachunmi, chashnaca tucurca— nirca.

HEBREOS 9:1

Punta ari ninacushcaca, cai pachapi Diosman mañana carpa huasipi ima shina Diosman ruhuana cashcallatacmi huillacurca.

HEBREOS 10:11

Tucui Israel*f** curacunami, punzhanta chaillatatac chaillatatac animalcunata rupachishpa, Diosman cuncuna. Shina cacpipish caicunaca jaicapi juchacunataca mana anchuchinchu.

APOCALIPSIS 21:3

Mandashpa tiyarinamanta sinchita shuc rimashca uyarishpaca: —Cunanca Taita Diosca gentecunapac chaupipimi causacun. Paicunahuanmi tucui causaipi causanga. Paicunaca Diospac huahuami canga. Paillatacmi paicunahuanca causanga.