HEBREOS 7:28 - Nuevo Testamento en Quichua Cañar 1996

²⁸ Moisés mandashcaca juchayuc runacunatami curacunata jatun mandac cura cachun nin, ashtahuanpish Taita Dios paipac shimihuantac ari nishpaca, Moisés mandashcacunamanta q'uipa cashpapish, huiñaita pactachic paipac Churitami curacunata jatun mandac cura cachun nin.

Dios Rimashcata Quillcashcami

²⁸ Moisés mandashcaca juchayuc runacuna jatun mandac cura cachun nin, ashtahuanpish Dios, pai ari nishpaca, Moisés mandashcacunamanta quipa cashpapish, huiñaita pactachic paipac Churitami jatun mandac cura cachun nin.

HEBREOS 7:28 Referans Kwoze

HEBREOS 2:10

Tucui ima tiyashcatapish Diosmi ruhuashca. Chaimantami tucui imapish paipaclla can. Taita Diosca tucui paipac huahuacuna paipac sumaimana cushicuita japichunmi munan. Chaimantami Diosca paicunata Quishpichic Jesucristotaca, pai llaquita apashcamanta sumacyachirca.

HEBREOS 7:21

ashtahuanpish Apunchic Jesusllatami Taita Diosca chashna nishca. Chaimantami Taita Dios Pai quillcachishcapica: “Ñuca shimihuan pactachishatacmi nishcataca mana shuctacyachisha. ‘Canca huiñai huiñaipacmi cura cangui’ nini” nishca.

HEBREOS 1:2

Shina cacpipish cunan tucuri punzhacunapica, paipac Churitami ñucanchicmanca huillachirca. Taita Diosca Paillahuantacmi, cai pachatapish ruhuarca. Shinallatac tucui ima tiyashcatapish, Paillamantacmi cushca.

SAN LUCAS 13:32

Chashna nicpimi, Jesusca cashna nirca: —Richic. Chai atuc shina, vivo tucushcataca cashna nigrichic: ‘Riqui. Cai punzhacunaca supaicunata llucchisha, ungushcacunatapish alliyachisha. Minchacunami, ñuca ruhuanataca tucuchisha’ ninmi, nigrichic.

HEBREOS 7:24

Ashtahuanpish Apunchic Jesucristoca jaicapi mana huañunchu. Shinallatac paipac ruhuanapish, curacunapac ruhuana shinaca mana shuctacyanchu.

HEBREOS 7:3

Melquisedecpac taita mamamantapish, paipac aillucunamantapish mana ima yacharinchu. Shinallatac pai huacharishcamantapish, huañushcamantapish pi mana parlanchu. Chashna cashcamanta Taita Diospac Churi shinallatacmi, paica huiñai causaicaman Diospacta ruhuac cura can.

HEBREOS 5:5

Chai shinallatacmi Jesucristoca mana pai quiquinllatac jatun mandac cura tucurca. Ashtahuanpish Taita Diosmi paita alli cachun acllashpaca: “Canca ñuca Churimi cangui, cunanca ñuca Huahuatacmi cangui” nirca.

HEBREOS 3:6

Ashtahuanpish Diospac Churi cashpami, Jesucristoca Diospac huasipica imatapish allita ruhuacun. Mana caita chaita yuyashpa, cushicushpa shuyacushpaca, ñucanchicmi chai huasica canchic.

SAN JUAN 19:30

Chai vinagreta Jesús ubiashpaca: “Ña tucuchishcami” nircami. Chashna nishpaca, umata huarcushpa, paipac espirituta Diosman mingashpaca huañurcallami.

HEBREOS 4:14

Taita Diospac Churi Jesusca curacunata jatun mandac cura cashpami, ñucanchicmanta Diospacta ruhuangapac jahua pachaman yaicurca. Chaimantami ñucanchicca crishpa, c'atirana canchic.

HEBREOS 2:17

Chai shina ayudangapacmi, paipac huauquicuna shina tucuna carca. Chai shina tucushpaca, tucui gentecunapac juchacunata anchuchingapacmi, allita pactachic, tucuita llaquic, Diospacta ruhuac curacunata jatun mandac cura tucurca.

HEBREOS 3:1

C'uyashca criccuna, cancunaca Diospaclla causachun c'ayashcacunami canguichic. Chashna cashcamanta ñucanchic crishca shina, Jesucristotaca Diosmanta huillac cashcata, shinallatac curacunata jatun mandac cura cashcata yuyashunchic.