HEBREOS 6:17 - Nuevo Testamento en Quichua Cañar 1996

¹⁷ Taita Diospish pai cushami nishcata japiccunamanca, imatapish mana shuctacyachishpa, pai cushami nishcataca paipac quiquin shimihuanmi pactachirca.

Dios Rimashcata Quillcashcami

¹⁷ Diosca pai cusha nishcata japiccunaman mana shuctacyachishpa, pactachingapacmi paipac shutipi ari nirca.

HEBREOS 6:17 Referans Kwoze

HEBREOS 6:18

Taita Diosca paipac shimihuan cushami nishcamanta, shinallatac Dios manatac llullac cashcamantaca, pai cushami nishcata tucui shunguhuan shuyashpa, pai huacaichichun munaccunaca cushicuitami japishcanchic.

HEBREOS 11:9

Pai crishcamantami, Dios cushami nishca llactapica caru llactamanta cac shina causarca. Paica Isaac shina, Jacobo shinami carpamanta ruhuashca huasicunallapi causarca. Paicunapish Dios cushami nishcataca chasquircacunami.

SAN JUAN 10:10

Shuhuaca shuhuangapac, huañuchingapac, chingachingapacmi yaicun. Ñucaca causaita charichun, shinallatac yallita charichunmi shamurcani.

1 PEDRO 3:7

Shinallatac cusacunapish, cancunapac quiquin huarmicunahuanca alli yuyaihuan causaichic. Huarmicunaca mana c'aricuna shina fuerzata charincunachu. Chaimanta paicunataca sumacta pushashpa causaichic. Cusacunapish, huarmicunapish Dios c'uyashcallamanta cusha nishca, huiñai causaita japichun c'ayashcacunami canguichic. Chashna causacpimi, Taita Diosca cancuna mañashcataca uyanga.

1 PEDRO 1:3

¡Ñucanchic Apunchic Jesucristopac Taita Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana c'uyaimanta Jesucristota causachishpa, ñucanchictaca cutin huacharishca shinata ruhuarca.

SANTIAGO 1:17

Jahua pachapi imalla tiyashcatapish ruhuac Diosmantami, ima allita ruhuana yuyaipish, cashcata ruhuana yuyaipish shamun. Diosca huiñai huiñaicamanmi Paillatac can. Paica mana shuctacyashpa, huiñaitami achicyachicungalla.

HEBREOS 6:16

Gentecunaca maijan cashpapish, mana llullacushcata ricuchingapacca paicunamanta yalli jatunpac shutipimari nincuna. Shina ari nishca q'uipaca, imatapish cutinca ña mana nincunachu.

HEBREOS 6:12

Q'uillacuna tucuchunca mana munanchicchu, ashtahuanpish crishcamanta mana p'iñaric, alli shunguhuan Dios cusha nishcata japiccuna cachunmi munanchic.

GÁLATAS 3:29

Ña Cristopac cashpaca, Taita Abrahampac huahua huahuacunami tucushcanguichic. Shina cashpaca, Taita Dios ñaupaman cusha nishcata japiccunapish canguichicmi.

ROMANOS 11:29

Taita Diosca cushpapish mana quichunchu. Shinallatac pai c'ayashpapish, “mana c'ayashcanica” nishpaca mana ninchu.

HEBREOS 11:7

Crishcamantami Noepish manarac ima tucushcata ricushpa, Dios mandashcata cazushpa, paipac aillu quishpirichun huambuc huasita ruhuarca. Pai crishcamantami, cai pachapi causac millai gentecunatapish llaquiman cacharca. Pai crishcamantami, Diosca paihuan alli tucuchun chasquirca.

ROMANOS 8:17

Ña paipac huahuacuna cashcamantaca, pai cusha nishca japina cashcatapish Cristohuan japishunmi. Chai japinataca Apunchic Jesucristo llaquita apashca shinallatac llaquita apashpami, sumaimana cushicuipi paihuan japishun.

SANTIAGO 2:5

Ñuca c'uyashca criccuna, caita uyaichic: Taita Diosca cai pachapi imata mana chariccunataca, crishcahuan chayuc tucuchunmi acllarca. Dios maipi mandacucpi paita c'uyaccuna pai cusha nishcata japichunmi, chashnaca acllarca.

EFESIOS 1:11

Cristohuan shuc shinalla cashcamanta pai cusha nishcata ñucanchic japichunmi, Taita Diosca pai munashca shina ñaupaman ña acllashca. Tucui imatapish pai munashca shinami ruhuan.